Ipinakakit 1:8 - Hanunuu

⁸ Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 1:8 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

Gimpuunan 48:3

Magkun si Hakub sa kan Husi, “Katpung ati di waya aku sa Lus, sa daga Kanaan, napakakit sa kangku ti Makamaskihan pag Diyus ag pinapaladan niya aku.

Gimpuunan 49:25

Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

Pag-ighit 3:14

Magkun ti Diyus sa kan Muysis, “Aku si aku. Inda kanmu isagut sa kanda: ‘Ti Diyus balaw magkauman imaw ti nagpadara sa kangku tabug sa kanyu.’ ”

Pag-ighit 6:3

Napakakit aku sa kanda ni Abraham, ni Isaak, ag ni Hakub, bilang Makamaskihan pag Diyus, dapat unman aku nagpakilala sa kanda kuntay Panginuun kang ngaran.

Isayas 41:4

Si unu ti nagbuwat inda tanan? Si unu ti nag-isip sa tanan pag manga mangyari ginan waya kaybi sa un-an pag sinulput? Unman aw aku? Aku ti Panginuun asan yi sa pag-umpisa kalibutan, ag asan diman aku tugka sa katapusan.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 48:12

“Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Bilang 24:4

Nasaydan niku ti bagaw Diyus, ag nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit:

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 11:17

magkun, “Panginuun Diyus makamaskihan sa tanan, kawu ti Diyus kainda, una kaybi ginan. Magpasalamat kami dahil ginamit nimu kanmu kamaskihan unman may katapusan. Kawu naghari yi taynguna.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.

Ipinakakit 16:7

Nadnugan niku may nagbagaw ginan sa surunugan manga pag-isagda sa Panginuun magkun, “Panginuun Diyus, kawu ti makamaskihan sa tanan, tutuu matadlung ngani ag kang-ud kanmu pag sintinsiya.”

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.

Ipinakakit 19:6

Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 21:22

Unman may nakitan aku Balay Diyus sa banwa. Dahil ti Panginuun Diyus makamaskihan sa tanan hanggan ti Anak Karanidu imaw ti pinakasimbahan ati.

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:13

Aku ti Alpa ag ti Umiga, aku ti sa kabag-u, aku diman ti sa katapusan. Aku ti umpisa, aku diman ti masawad.”

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”