Ipinakakit 1:7 - Hanunuu

⁷ Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.

Ipinakakit 1:7 Iomraidhean Croise

Hub 33:26

Nu mandarangin siya sa Diyus dungugun niya siya. Tanggapun siya Diyus may kabayaan, bag-u iuli Diyus sa kanya kay mayad pag kahamtangan.

Kanta 22:16

Pinalibutan aku kaban daut pag manga tawu parihu sa manga idu. Binuslutan nida kang manga kamang hanggan manga lulud.

Kanta 68:1

Diyus, wayaka yi kanmu manga kalaban. Mana manpalalagiwan sida.

Kanta 97:2

Pagsangputun siya madamul pag rurum, ag maghari siya may katuwiran ag katadlungan.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Nahum 1:3

Balaw siya madali magkagalit, dapat makamaskihan gid siya ag pihu parusahan niya ti nagkasala. Nu maglakaw siya maghagunung ga bagyu mabaskug. Ti manga rurum ga galbuk lang mag-asbuk sa kay manga lulud.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Sakaryas 12:11

Sa ati pag sirang, masyadu gid ti lulumian sa Hirusalim parihu sa lulumian para sa kan Hadad Rimun sa karatagan Migidu.

Bilang 24:17

“May nakitan aku sa kang pangakakitun udwaya gid nangyari. Sa aratubangun pag manga sirang, may humari sa Israil ginan sa linahi ni Hakub. Rurisun niya ti manga Muabita hanggan ti tanan lahi ni Sit.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Markus 13:26

Bag-u makitan nida ti Anak Tawu rumas-ug padara sa rurum may daka pag kapangyarihan hanggan kadayawan.

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Lukas 21:27

Ati katpung aban makitan nida ti Anak Tawu rumas-ug padara sa rurum, may kamaskihan hanggan daka pag kadayawan.

Huwan 19:34

Dapat binunu waya bangkaw usa ka sundalu kay habig ni Hisus. Susun binmulus ti dugu hanggan danum.

Huwan 19:37

Ag inda waya ti isinurat sa Banal Kasuratan magkun, “Bantayan nida mata ti kanda binunu.”

1 Tisalunika 1:10

ag hampay alagdun niyu kay Anak si Hisus ginan sa langit. Binuhi uman Diyus si Hisus ginan sa kamatayan. Siya diman ti rumibri sa kanta sa kay kaudasan sintinsiya Diyus aban.

1 Tisalunika 4:17

Kita ti manga buhi waya tipunun niya sa manga rurum ipaminsan sa manga nabuhi uman hampay sulangun ti Panginuun sa panungaan langit. Bag-u kaibahan yi niya kita sa kay arani hanggan aban.

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

Hibriyu 6:6

Dayu yi mauman sida mataban sa pag-ampu sa kasalanan dahil ga kanda ngap pag-ipaku maan ti Anak Diyus sa kurus ag pag-ipasurug maan nida siya sa hayagan.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.

Hudas 1:14

Ginan sa kan Adam nagkalinahi ti manga tawu kay ikapitu si Inuk. Kaybi di waya nagpurupita diman si Inuk tungkul sa katida pag manga tawu magkun, “Malu, pagbantay kamu, magras-ug ti Panginuun, kaibahan ti manga linibu-libu pag manga anghil Diyus,

Ipinakakit 22:20

Magsabi ti nagpaburayhaw sa tanan inda magkun, “Pihu gid ngani rumas-ug yi aku udyi dugay.” Amin, Panginuun Hisus, pagsitay yi duy kawu.

Ipinakakit 22:4

Makitan nida kay uyahun ag misurat kay ngaran sa kanda manga bangas.

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.