Ipinakakit 1:5 - Hanunuu

⁵ Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 1:5 Iomraidhean Croise

Kanta 51:2

Ugasi aku sa kang kadautan; lumpiyuha aku sa kang manga kasalanan.

Kanta 72:11

Mana ti tanan nasyun sumirbi sa kanya hanggan ti tanan hari pumasakup sa kanya.

Kanta 89:27

Kilalan-un niku siya kang panganay pag anak, ti pinakamakapangyarihan sa tanan pag hari.

Kabagawan 14:5

Ti masarigan pag kastigus magsabi tutuu, dapat ti balaw masarigan pag kastigus magsabi lunsay kapudilan.

Isayas 55:4

Pinili niku siya takinan manga nasyun, sa panab-anan niya ipinakakit niku kang kamaskihan sa kanda.

Danyil 2:2

Ipinatawag niya kay manga manugsalumangka, pandaniwan, pangiwaan, hanggan manga manughula, hampay itultul nida ti manga tagin-up niya.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Libitiku 13:58

Nu nadura yi ti kalmu pagka napipian ti rutay ngatay ti paknul, pipian maan inda uman ag bumaliw yi inda malumpiyu.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Huwan 13:1

Ati katpung bag-u Kapistahan sa Pag-alaala sa Karibrihan, alam yi ni Hisus inda yi ngani pag kaudasan siya umighit ginan sa kalibutan atag sa Ama. Daan minayad gid niya ti manga napasakup sa kanya sitay sa babaw daga, ag kay minayad niya sida hanggan sa katapusan niya buhi.

Huwan 13:34

Aku duy may bag-u pag bilin sa kanyu magkun, pagmalahalan kamu sa usa kag sa usa. Nu kabitay kang nagmahal sa kanyu, pagkatunda diman waydi kamu pagmalahalan sa usa kag sa usa.

Huwan 15:9

“Kamu kang pagmahalun parihu sa kay magmahal Ama sa kangku. Aku magmahal sa kanyu, nakan danga magpablag kamu sa kangku.

Huwan 18:37

Pinmaingana maan si Pilatu magkun, “Nu katunda hari aw gid kawu?” Sinmagut si Hisus magkun, “Hu, tama kanmu pagsabihun kuntay aku hari. Nakan nagsitay aku iinanak sa babaw daga inda lang kang turunu hampay itultul niku ti katutuuhanan sa manga tawu. Nu ti tawu napasakup sa katutuuhanan, pumatingi siya sa kang manga pagsabihun.”

Huwan 3:11

Ungud duy kang pagsabihun sa kanmu, ti magkaalaman nimi imaw ti kanmi pagsabihun ag ti kanmi nakitan imaw ti pag-itultul nimi. Dapat unman kamu magpaniwala sa kanmi pag-itultul.

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Huwan 3:32

Pag-itultul niya kay nakitan hanggan kay nadnugan dapat pira lang ka tawu ti magpaniwala sa kay pag-itultul.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 26:23

Sinabi kabay nida magkun, kailangan mamatay ti Pinili Diyus Manugribri pag Hari bag-u un-an gid sa tanan tawu siya ti buhiun maan hampay ipakilala niya sa manga Hudiyu hanggan sa manga balaw Hudiyu nu kabitay sida maribri agud sida sa marayaw yi.”

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 8:37

Inda tanan pag kakurian kaya di ay nita madaug dahil sa kanta Panginuun Hisus imaw tigmahal sa kanta.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Ipisu 2:4

Dapat ay abunda gid kay awa Diyus ag daka gid kay pagmahal sa kanta.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Diyuturunumiyu 18:2

Unman sida may manahun daga parihu sa kanda kaparihu manga Israilita; ti Panginuun imaw ti kanda mana angay sa kay itinaratu sa kanda.

Diyuturunumiyu 23:5

Dapat balaw pinatingihan Panginuun niyu Diyus si Balaam. Bagkus, binuwat niya papalad ti saad sa kanyu, dahil pagmahalun kamu Panginuun niyu Diyus.

Diyuturunumiyu 7:8

Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

1 Timutiyu 6:15

Aban sa kay taning pag kaudasan mipaburayhaw Diyus kay pagras-ug ni Hisu-Kiristu. Diyus gid ti marapapalad. Siya yi lang ti makamaskihan, siya ti Hari sa tanan manga hari, siya ti Panginuun sa tanan manga panginuun.

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 4:10

Ti kang pagsabihun pagmahal, bukun kanta pagmahal sa Diyus, nu unman kay ngap pagmahal Diyus sa kanta. Sinugu niya kay Anak hampay bumaliwa mamatay sa kasalanan nita, agud may kapatawadan kita.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.