Ipinakakit 1:4 - Hanunuu

⁴ Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 1:4 Iomraidhean Croise

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Pag-ighit 3:14

Magkun ti Diyus sa kan Muysis, “Aku si aku. Inda kanmu isagut sa kanda: ‘Ti Diyus balaw magkauman imaw ti nagpadara sa kangku tabug sa kanyu.’ ”

Isayas 11:2

Pumirmaminti sa kanya ti Ispiritu Panginuun ag makapakaun inda sa kanya kadunungan, pan-intindi, kakayahan sa paggayak, may kapangyarihan, kaalaman, ag may paggalang sa Panginuun.

Isayas 41:4

Si unu ti nagbuwat inda tanan? Si unu ti nag-isip sa tanan pag manga mangyari ginan waya kaybi sa un-an pag sinulput? Unman aw aku? Aku ti Panginuun asan yi sa pag-umpisa kalibutan, ag asan diman aku tugka sa katapusan.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Sakaryas 3:9

Huswi, bantayi nimu ti batu ipinauli niku sa kanmu atubangan, may pitu inda ka mata. Paukitan niku inda, ag pamul-un niku ti kasalanan daga Israil sa sulud lang usa ka sirang.

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Sakaryas 6:5

Magkun siya sa kangku, “Inda sida imaw ti upat ka durus sa kapawaan langit ginan sa atubangan Panginuun sa buu kalibutan.

Huwan 1:1

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Binwat 19:10

Balaw gid nag-apas si Pablu sa kay magpanudlu sa sulud duwa ka timpu. Nakan ti tanan tawu nangulian sa daga Asya nakadnug gid sa bagaw Panginuun, una manga Hudiyu, una manga balaw Hudiyu.

Binwat 2:9

Kita manga taga Partiya, manga taga Midya, manga taga Ilam, manga mag-uli sa Misuputamya, sa Hudiya, sa Kapadusya, sa Puntu ag sa Asya,

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

1 Kurintu 1:3

Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

2 Kurintu 1:2

Pagsa kanyu ti papalad hanggan ti kahusayan ginan sa Diyus sa kanta Ama ag ginan diman sa Panginuun Hisu-Kiristu.

Hibriyu 13:8

Nu kabitay si Kiristu Hisus kaaldaw, hanggan taynguna, balaw mauman siya hanggan waya aban.

Santiyagu 1:17

Kada mayad hanggan kang-ud pag pakaun pasay ginan sa langit, ginan sa Ama, sa naglalang sa manga init, bulan hanggan pamgasan sa langit. Balaw siya magkauman. Kay karayawan dayu bumaliw kadudulman.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 16:5

Nadnugan niku ti sinabi anghil manug-alaga manga danum magkun, “Kawu ti Banal, kawu ti may buhi taynguna hanggan kaybi ginan. Matadlung kawu sa binwat nimu sintinsiya.

Ipinakakit 2:12

“Isurat nimu inda para sa anghil magbantay sa iglisya sa banwa Pirgamu: “Inda ti magsabi imaw yi ngani ti may bitbit matarum pag baladaw duwa kay urup:

Ipinakakit 2:18

“Isurat nimu inda para sa anghil magbantay sa iglisya sa banwa Tiyatira: “Inda ti magsabi imaw yi ngani ti Anak Diyus, imaw ti may mata magduag ga labdab apuy ag kay manga lulud marakintab ga nanisnisan pag galang:

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 22:8

Aku si Huwan imaw ti nakadnug ag nakakit sa tanan-tanan inda. Pagka nadnugan ag nakitan niku tunda tanan-tanan, napadapa aku sa atubangan anghil hampay sambahun niku siya dahil siya ti nagpakakit sa kangku tunda.

Ipinakakit 3:1

“Isurat nimu inda para sa anghil magbantay sa iglisya sa banwa Sardis: “Inda ti magsabi imaw yi ngani ti may pitu ka Ispiritu Diyus hanggan pitu ka pamgasan: Alam diman waydi niku kanmu pagbuwatun. Nu sa magbantay manga tawu kawu buhi dapat nu sa ungud kawu ga tigbak yi.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:5

Ginan sa tukawan hari magluwang ti manga kilat, ti manga linti hanggan magkurarug. Sa atubangan tukawan hari may pitu ka sulu magduag. Inda imaw ti pitu ka Ispiritu Diyus.

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.

Ipinakakit 8:2

Bag-u nakitan niku may pitu ka anghil matindugan sa atubangan Diyus, pinakan-an sida budyung ayaw-ayaw.