Ipinakakit 1:3 - Hanunuu

³ Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.

Ipinakakit 1:3 Iomraidhean Croise

Kabagawan 8:34

Mapalad ti tawu buu kay naisipan tag sa kangku bag-u alistu siya mamatingi.

Hirimyas 51:61

Inda ti sinabi ni Hirimyas sa kan Siraya, “Nu rumas-ug kawu sa Babilunya, basahun nimu kabisug sa manga tawu ti nakasurat sa inda pag kasuratan.

Matiyu 24:15

Magkun si Hisus, “Makitan niyu aban mangyari sa Balay Diyus ti lapastangan unman may pumarihu imaw ti pagsabihun ni Purupita Danyil. (Kailangan intindihun manga manugbasa).

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Ruma 13:11

Mayad nu pagbuwatun niyu inda tanan, dahil alam niyu nu hintay pag udas yi kainda. Udas yi hampay mimata yi kamu kainda ginan sa katurugan dahil arani yi ti udas nita lubus pag karibrihan, balaw yi ga kaati katpung ga kanta bag-u nagsarig sa Panginuun.

Ruma 13:12

Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

2 Pidru 3:8

Dapat duy manga patar-ari, danga niyu kalimtan, dahil nu sa Panginuun ti usa ka sirang bilang ga usa ka libu timpu, ti usa ka libu timpu ga usa lang ka sirang.

Ipinakakit 22:10

Sinabi waya niya sa kangku, “Danga nimu pagsiraduha ti manga ipinurupita nisurat sa inda pag ribru, dahil arani yi ti taning pag kaudasan.

Ipinakakit 22:12

Sinabi ni Hisus magkun, “Pagpatingi kamu, magkaras-ug yi aku, may dara kang manga pirimyu kang ipakaun sa kada tawu angay sa kay binwat.

Ipinakakit 22:20

Magsabi ti nagpaburayhaw sa tanan inda magkun, “Pihu gid ngani rumas-ug yi aku udyi dugay.” Amin, Panginuun Hisus, pagsitay yi duy kawu.

Ipinakakit 3:11

Rumas-ug yi aku madali, ingatan nimu ti kaayadan kanmu tinanggap hampay unman may umagaw sa kanmu pirimyu pag sangbaw.