Ipinakakit 1:18 - Hanunuu

¹⁸ Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 1:18 Iomraidhean Croise

Hub 19:25

“Dapat alam di niku buhi di kang Manugribri, ag sa uryan rumas-ug siya sa daga agud apinan aku.

Hub 38:17

Naipakakit yi aw lugud sa kanmu ti manga sabian atag sa madulum pag ulian manga namatay?

Kanta 18:46

Buhi kawu, Panginuun! Dayawun kawu kang palalan-iban pag batu! Pag-ipaabwat niku kawu dahil kawu ti Diyus kang Manugribri.

Kanta 68:20

Kanta Diyus, Diyus magribri. Siya ti Panginuun Diyus magribri sa kanta sa kamatayan.

Isayas 22:22

Iayaw niku sa kanya ti susi sa kaharian ni Dabid. Nu bukasan niya ti sabian, balaw may makasiradu, nu kay talakpan unman may makabukas.

Matiyu 11:23

Kawu pag banwa Kapirnaum, gustu aw nimu pumaabwat hanggan tugka sa langit? Unman! Idugsak ngap kawu sa ulian manga namatay. “Dahil nu abi sa Suduma pag nabuwat ti manga makadululaw kang binwat sitay sa kanyu, hanggan taynguna tugka balaw waya mana mawasak tunda.

Matiyu 16:19

Ipakaun niku sa kanmu ti manga susi pamukas sa kaharian sa langit. Ti kanmu ginapus sa babaw daga, gapusun diman sa langit. Ti kanmu linbadan sa babaw daga, lubadan diman waydi sa langit.”

Lukas 24:5

Nadala ngap ti manga babayi, napayuk-ub sida sa daga. Sinabi manga lalaki sa kanda, “Hayga paghanapun niyu sitay sa ulian manga namatay ti nabuhi yi?

Huwan 11:25

Bag-u sinabi ni Hisus sa kanya magkun, “Sa kangku gid ginan duy pag mabuhi uman ti tawu. Aku diman ti gimpuunan buhi. Una abi mamatay ti tawu, nu siya magsarig sa kangku, balaw maduraan siya buhi.

Huwan 14:19

Udyi dugay aban bag-u dayi gid kumakit sa kangku ti manga taga kalibutan. Dapat kamu kumakit di sa kangku. May tutuu gid pag buhi aku, nakan una kamu may tutuu gid pag buhi.

Ruma 6:9

Alam gid nita si Kiristu binuhi uman ginan sa kamatayan ag udyi makaulit mamatay. Udyi ngani may kapangyarihan sa kanya ti kamatayan.

2 Kurintu 13:4

Malumuy siya sa kay nipaku sa kurus, dapat ti kamaskihan Diyus ti nagbuhi maan sa kanya. Dahil sa kanmi magpakiusa sa kan Kiristu kami hanggan malumuy waydi, dapat ti kamaskihan Diyus magpakaun sa kanmi kay buhi ni Kiristu hampay matupad nimi kanmi buruwatun tungkul sa kanyu.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 7:16

Kay karampatan sa manughandug balaw minana niya sa kay linahi ga isinurat sa Kasuratan. Nakan may karampatan siya dahil siya may buhi gid unman may katapusan.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Ipinakakit 10:6

bag-u nanumpa siya hinangbit niya ti ngaran Diyus buhi hanggan waya aban, imaw ti naglalang langit, daga, dagat hanggan tanan-tanan apinauli siyun. Magkun ti anghil, “Balaw yi dumugay aban.

Ipinakakit 15:7

Ti usa sa upat ka linalang may buhi may ipinakaun sa kanda pitu, ayaw-ayaw usa ka pinggan malukung pasay gintu. Tunda pag manga pinggan malukung kay sukad punu pangagalit Diyus imaw ti may buhi hanggan waya aban.

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 20:13

Idinagsa dagat ti manga namatay siyun. Ipinalwang kamatayan hanggan ulian manga karadwa ti manga tawu namatay ag iinintirga siyun. Pinila ti manga matadlung ginan sa manga balaw matadlung angay sa kanda manga binwat.

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:9

Katunda ngani ti upat ka linalang may buhi kanda magdayaw, maggalang hanggan magpasalamat sa hari magtukaw sa tukawan, imaw ti may buhi unman may katapusan.

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.

Ipinakakit 6:8

May nakitan aku maan usa ka kabayu madapug kay bulbul. Kay ngaran ti masakyan siti Kamatayan. Ti ulian manga karadwa magdasun sa kay uryan. Pinakan-an kamaskihan ti ulian manga karadwa hanggan ti kamatayan hampay matyun nida ti ikap-at pag bahagi manga tawu sa babaw daga, matyun nida sa baladaw, sa lun-us, sa sakit hanggan sa maraisug pag manga hayup.

Ipinakakit 9:1

Pagka inyup ikalima pag anghil kay budyung, nakitan niku ti usa ka pamgasan nalagpak sa daga. Ipinakaun sa kanya ti susi pamukas sa kaabasad-basadan.

1 Samwil 2:6

Panginuun ti may kapangyarihan pumakaun ngatay bumawi sa arup tawu. Siya ti may kapangyarihan pumauli ngatay bum-ul sa kanda ati sa rugar manga namatay.