Ipinakakit 1:15 - Hanunuu

¹⁵ Magsinglaw kay manga lulud ga galang udyi may lakut, ipinalakaw yi sa apuy, pinakintab. Kay magbagaw ga danum magpaywas sa sapa.

Ipinakakit 1:15 Iomraidhean Croise

Isikil 43:2

Ag ati nakitan niku ti kadayawan Diyus Israil magras-ug ginan sa butlakan. Kay tunug niya pagras-ug ga magpaywas danum mabaskug, ag ti daga magkarayawan niya kadayawan.

Danyil 10:6

Kay bilug magkislap parihu sa usa ka mahalaga pag batu. Kay uyahun masinglaw parihu sa kilat, ag kay mata magduag parihu sa apuy. Kay manga kamang ag lulud magkislap ga kiniskisan galang, ag kay busis mabisug gid ga iringayan kadamlan tawu.

Ipinakakit 14:2

Nadnugan niku may mag-ingay ginan sa langit kay tunug ga danum magpaywas sa puru, ga magranranug linti. Ti kang nadnugan ga magtimpara manga manuggitara.

Ipinakakit 19:6

Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 2:18

“Isurat nimu inda para sa anghil magbantay sa iglisya sa banwa Tiyatira: “Inda ti magsabi imaw yi ngani ti Anak Diyus, imaw ti may mata magduag ga labdab apuy ag kay manga lulud marakintab ga nanisnisan pag galang:

Kanta 93:4

Dapat mas makamaskihan kawu, Panginuun asan sa langit kaysa hagunung dagat; mas makamaskihan kawu kaysa magpaywas pag manga humbak.

Isikil 40:3

Dinara aku Panginuun ati ag may nakitan aku usa ka tawu kay histuda ga magsiak pag galang. Matindugan siya sa may puwirtahan banwa bag-u may bitbit duwa ka panukat: kay usa linu pag higut ag kay usa kayu.

Isayas 17:13

Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.

Isikil 1:24

Nu maglakaw ngani ti buhi pag manga linalang, kay ingay kanda manga pakpak parihu sa paywas danum, ngatay parihu sa busis Makamaskihan Diyus, ngatay parihu sa iringayan mayamu manga sundalu. Ag nu magpat-ung sida, pag-ikiyum nida kanda manga pakpak.

Ipinakakit 10:1

Bag-u nakitan maan niku ti usa ka makapangyarihan pag anghil magpakababa ginan sa langit. Magkasaputan siya rurum ag may balangaw sa kay tungud ulu. Kay uyahun ga singgit init kay kasilaw. Kay manga lulud ga labdab apuy kay karara.