Ipinakakit 1:11 - Hanunuu

¹¹ Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:11 Iomraidhean Croise

Isayas 30:8

Magkun sa kangku ti Panginuun, “Abala, isurat nimu sa ribru ti bangdan niku laban sa manga taga Israil hampay pirmi inda magsirbi puruyba sa kanda kadautan sa uryan panahun.

Habakuk 2:2

Kaindaay ti sagut Panginuun sa kan Habakuk: “Suratan kalinaw sa batu malapad ti pagsabihun niku sa kanmu hampay madali inda basahun.

Binwat 16:14

May usa ka babayi namatingi diman sa kanmi kay ngaran si Lidya taga Tiyatira. Magtinda siya manga pisahan ga dukut dungun ubi. Magsamba siya sa Diyus. Pinalug-ud Panginuun kay tagipusuun hampay maniwala siya sa kay itinudlu ni Pablu.

Binwat 18:24

May rinmas-ug sa Ipisu usa ka Hudiyu taga Alihandirya, kay ngaran si Apulus. Mahusay siya pag magtultulanun, mayamu diman kay magkaalaman sa Banal Kasuratan.

Binwat 20:17

Pagka siyun kami sa Militu, pinmasugu si Pablu tag sa Ipisu hampay kanda bul-un ti manga manug-asiwa iglisya ati.

1 Kurintu 15:32

Nu angay lang sa kang pagkatawu aku naglaban sa manga simarun sitay sa Ipisu, hintay kang pakinabangun. Nu abi ti manga namatay unman buhiun uman, “Pagkaun ag pag-inum yi lang kita, aldaw mamatay yi waydi.”

1 Kurintu 16:8

Sitay waya dapu aku sa Ipisu tugka waya sa sirang Pintikustis.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Diyuturunumiyu 31:19

“Nakan suratan nimu inda pag kanta bag-u tudluan sa manga Israilita. Ipakanta nimu inda sa kanda hampay kastigus niku inda laban sa kanda.

Kulusas 2:1

Gustu niku pagmaalaman niyu nu kabitay kay kadaka kang magmasigasid para sa kanyu, una sa manga taga Laudisiya hanggan sa tanan udwaya nakakit sa kangku.

1 Timutiyu 1:3

Ga kang diman sinabi sa kanmu kang di waya atag sa Masidunya, kang gustu duy kawu asan lang sa Ipisu, dahil may manga tawu magtudlu patalang. Bilini nimu sida danga yi sida magtudlu patalang.

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Ipinakakit 1:19

Nakan ngani isurat nimu ti kanmu makitan, ti mangyari taynguna ag ti manga pihu mangyari waya aban.

Ipinakakit 1:2

Bag-u isinurat ni Huwan ti tanan niya nakitan tungkul sa kay sinabi Diyus hanggan tungkul sa kay ipinaalam ni Hisu-Kiristu.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 10:4

Pagka nagbagaw ti pitu ka linti sumurat yi mana aku, dapat may nasaydan aku usa ka magbagaw ginan sa langit magkun, “Danga nimu alamana ti sinabi pitu ka linti, danga nimu isurat tunda.”

Ipinakakit 14:13

Nadnugan niku may magbagaw ginan sa langit magkun, “Isurat nimu inda pagkumun, taynguna ginan pinapaladan Diyus ti manga namatay sa kanda pagsirbi sa Panginuun.” Magkun ti Ispiritu, “Tutuu ngani, pumahari sida aban sa kanda budlay. Dahil dumasun sa kanda uryan kanda manga binwat.”

Ipinakakit 19:9

Sinabi anghil sa kangku, “Isurat nimu inda: Mapalad ti manga binan-awan sa karan-an sa pamasaruhan Anak Karanidu.” Kay sabi waya anghil sa kangku, “Inda ti tutuu pag manga bagaw Diyus.”

Ipinakakit 2:1

“Isurat nimu inda para sa anghil magbantay sa iglisya sa banwa Ipisu: “Inda ti magsabi imaw yi ngani ti may bitbit pitu ka pamgasan sa kay sikun pag kamang, tiglakaw sa karaw-an pitu ka sulu gintu:

Ipinakakit 2:12

“Isurat nimu inda para sa anghil magbantay sa iglisya sa banwa Pirgamu: “Inda ti magsabi imaw yi ngani ti may bitbit matarum pag baladaw duwa kay urup:

Ipinakakit 2:18

“Isurat nimu inda para sa anghil magbantay sa iglisya sa banwa Tiyatira: “Inda ti magsabi imaw yi ngani ti Anak Diyus, imaw ti may mata magduag ga labdab apuy ag kay manga lulud marakintab ga nanisnisan pag galang:

Ipinakakit 2:24

“Dapat may pagsabihun waya aku sa kanyu sa manga iba taga Tiyatira, sa manga unman nagsunud sa kay daut pag tudlu ni Hisibil ag unman nagdunung sa kanda pagkumnun manga madalum pag tudlu ni Satanas. Balaw yi pakan-an niku kamu ga manga mabuyat pag paras-anun.

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 21:5

Bag-u nagbagaw ti matukawan sa tukawan hari magkun, “Taynguna buwatun niku ti bag-u pag manga bagay.” Kay sinabi waya niya sa kangku magkun, “Isurat nimu pagkumun, masarigan ag tutuu inda pag manga bagaw.”

Ipinakakit 22:10

Sinabi waya niya sa kangku, “Danga nimu pagsiraduha ti manga ipinurupita nisurat sa inda pag ribru, dahil arani yi ti taning pag kaudasan.

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 3:1

“Isurat nimu inda para sa anghil magbantay sa iglisya sa banwa Sardis: “Inda ti magsabi imaw yi ngani ti may pitu ka Ispiritu Diyus hanggan pitu ka pamgasan: Alam diman waydi niku kanmu pagbuwatun. Nu sa magbantay manga tawu kawu buhi dapat nu sa ungud kawu ga tigbak yi.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 3:4

Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu: