Ipinakakit 1:1 - Hanunuu

¹ Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 1:1 Iomraidhean Croise

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Danyil 8:16

Bag-u may nasaydan aku busis tawu ginan sa Sapa Ulai magkun, “Gabril, tultulan sa kanya kay kahulugan pangakakitun.”

Danyil 9:21

Ag habang magdarangin aku, naglayang madali si Gabril atag sa kangku nakitan niku sa kang pangakakitun. Katpung sa udas maghugut marukirum pag handug.

Danyil 9:23

Sa kabag-u di waya nimu darangin may ipinaburayhaw yi ti Diyus, nakan nag-ataytag aku hampay itultul sa kanmu, dahil pagmahalun kawu Diyus. Nakan pagpatingi kawu ag intindiha kang sabihun sa kanmu.

Amus 3:7

Sa tutuu, unman magbuwat ti Panginuun Diyus una hintay nu unman niya inda ipinasandam sa kay manga manugsirbi pag manga purupita.

Huwan 12:49

Dahil kang manga pag-itultul balaw ginan lang sa kang sadili. Ti Ama ti nagsugu sa kangku imaw ti may bilin sa kangku nu hintay ti kailangan niku sabihun ag nu hintay ti dapat niku itultul.

Huwan 15:15

Balaw yi pag-ingarnan niku kamu manga panawuhun, dahil unman alam panawuhun ti buruwatun niya amu. Kamu ngani kang pagmayadun pag manga tawu dahil ti tanan itinultul Ama sa kangku, kang itinultul maan sa kanyu.

Huwan 17:8

Ti bagaw kanmu iinintirga sa kangku, kang diman waydi ipinadakit sa kanda, kanda diman waydi tinanggap. Magpatutuu diman sida aku nagsitay ginan sa kanmu. Naniwala diman sida kuntay kawu ti nagsugu sa kangku.

Huwan 3:32

Pag-itultul niya kay nakitan hanggan kay nadnugan dapat pira lang ka tawu ti magpaniwala sa kay pag-itultul.

Huwan 8:26

Mayamu mana kang masabi tungkul sa kanyu, mayamu kang magkaalaman hampay mana mapihu niku kanyu kadautan. Dapat masarigan gid ti nagsugu sa kangku. Pag-itultul lang waydi niku sa manga tawu ti nadnugan niku ginan sa kanya.”

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

Galasya 1:12

Balaw nakan niku tinanggap ginan sa tawu, unman diman tawu ti nagtudlu sa kangku. Si Hisu-Kiristu yi ngapu ti nagpakilala inda sa kangku.

Ipisu 3:3

Ipinakilala Diyus sa kangku ti madalum pag katutuuhanan udwaya daan ipinaburayhaw ga kang yi isinurat sa kabag-u.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Ipinakakit 1:19

Nakan ngani isurat nimu ti kanmu makitan, ti mangyari taynguna ag ti manga pihu mangyari waya aban.

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 19:9

Sinabi anghil sa kangku, “Isurat nimu inda: Mapalad ti manga binan-awan sa karan-an sa pamasaruhan Anak Karanidu.” Kay sabi waya anghil sa kangku, “Inda ti tutuu pag manga bagaw Diyus.”

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.

Ipinakakit 21:9

Nagpakarani sa kangku ti usa ka anghil kabilang sa pitu ka anghil may bitbit pinggan malukung ayaw-ayaw, kada pinggan punu pangatapusan pag kahigpitan. Bag-u nagbagaw sa kangku tunda pag anghil magkun, “Abala duy kawu, ipakakit niku sa kanmu ti aguman babayi, imaw ti arasawan-un Anak Karanidu.”

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 22:6

Bag-u sinabi anghil sa kangku magkun, “Masarigan ag tutuu inda pag manga bagaw. Ti Panginuun Diyus, ti nag-udyuk sa naisipan manga purupita, imaw diman ti nagsugu sa kay anghil hampay ipakakit sa kay manga suruguun ti manga udyi dugay mangyari yi aban.”

Ipinakakit 22:8

Aku si Huwan imaw ti nakadnug ag nakakit sa tanan-tanan inda. Pagka nadnugan ag nakitan niku tunda tanan-tanan, napadapa aku sa atubangan anghil hampay sambahun niku siya dahil siya ti nagpakakit sa kangku tunda.

Ipinakakit 22:9

Dapat sinabi niya sa kangku magkun, “Danga duy, aku hanggan suruguun parihu sa kanmu, parihu sa kanmu manga patar-ari manga nagpurupita, parihu diman sa tanan manga magpaniwala sa manga bagaw nisurat sa inda pag ribru. Sambahun nimu ti Diyus.”

Ipinakakit 4:1

Bag-u tuhay maan kay ipinakakit Diyus sa kangku. Nakitan niku sa langit ti usa ka sabian mabukasan. Nadnugan maan niku ti matnug pag bagaw ga budyung kay kadaka kay tunug magkun, “Pag-atay tag kawu sa tungud hampay kang ipakakit sa kanmu ti manga bagay mangyari aban.”

Ipinakakit 5:7

Nagpakarani ti Anak Karanidu bag-u kay ginamit ti kasuratan malulunan ginan sa sikun pag kamang Hari sa kay tukawan.