Huwil 3:7 - Hanunuu

⁷ Dapat awatan niku sida makakalpas ginan sa kanyu nagpabilyan pag rugar, ag buwatun niku sa kanyu ti binwat niyu sa kanda.

Huwil 3:7 Iomraidhean Croise

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 66:6

Mag-asaydan aw niyu ti ingay sa banwa hanggan sa Balay Diyus? Ingay tunda Panginuun habang pagbalusan niya kay manga kalaban.

Hirimyas 23:8

Bagkus ngap, sabihun nida, ‘Magsumpa aku sa ngaran buhi pag Panginuun, ti nagpalpas sa manga linahi Israil ginan sa manga nasyun sa kanaway hanggan sa tanan nasyun nu naan pag ikinalat niya sida.’ Ag mangulian yi sida sa kanda sadili daga.”

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:16

“Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 38:8

Dahil aban suguun niku kamu giraha ti Israil, sa kadugayun panahun namung-aw dahil nawasak sa labanan. Dapat ipinatindug uman inda ag sa tunda diman pag udas nakabalik yi ti manga nasakupan inda sa bantud Israil ginan sa manga nasyun ag mag-ulian yi may kahusayan.

Huwil 3:4

“Kamu pag manga taga Tiru, pag manga taga Sidun, hanggan ti tanan rugar sa Pilistiya, hintay inda ti pagbuwatun niyu laban sa kangku? Pagbalusan aw niyu aku sa manga binwat niku? Nu katunda, kadaka niku kamu balusan sa pagbuwatun niyu.

Sakaryas 9:13

Gamitun niku ti Huda ga pamana ag ti Israil ga ugyung. Buwatun niku ti nasakupan Siun ga baladaw sundalu, ag papasun nida ti manga nasakupan Grisya.”

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

2 Tisalunika 1:6

Matadlung ti Diyus. Gantihan niya kakurian ti manga magpakuri sa kanyu.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Ipinakakit 13:10

Una hintay pag tawu ti pagturuminuhun hampay mabihag, pihu gid siya mabihag aban. Una hintay ti pagturuminuhun hampay mamatay sa baladaw, pihu gid siya matyun baladaw aban. Nakan ngani kailangan ti manga napasakup sa Diyus pagpakarig-un kay pagsarig.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.

1 Samwil 15:33

Dapat magkun si Samwil, “Nu kabitay ti kayamuan ina naduraan anak dahil sa pagmatay nimu, taynguna, maduraan diman anak kanmu ina.” Bag-u tinigbas ni Samwil si Agag sa atubangan Panginuun sa Gilgal.