Huwil 3:2 - Hanunuu

² tipunun niku ti tanan nasyun bag-u darahun niku sida sa Karatagan ni Husapat. Ati sida pagpihuun niku dahil sa kanda binwat sa kang nasakupan manga Israilita. Pinanwayak nida ti manga Israilita sa tuhay-tuhay pag nasyun ag hinuray-huray kang daga.

Huwil 3:2 Iomraidhean Croise

2 Krunika 20:26

Pagka sa ikap-at pag sirang nagtipun sida sa Karatagan Biraka nu naan nagdayaw sida sa Panginuun. Inda kay dahilan nu hayga pag-ingarnan inda Karatagan Biraka tugka taynguna.

Isayas 66:16

Dahil sa panab-anan apuy hanggan baladaw, sintinsiyahan Panginuun ti tanan tawu makasalanan, ag mayamu kay matyun.

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 25:31

Madnugan kay busis sa buu kalibutan, dahil ihabla niya ti manga nasyun. Sintinsiyahan niya ti tanan, ag ipamatay sa girahan ti manga daut.’ Aku, ti Panginuun, ti magsabi inda.”

Hirimyas 49:1

Inda waydi ti sinabi Panginuun tungkul sa manga taga Amun: “Kamu pag manga magsamba sa diyus-diyusan si Muluk, hayga niyu pag-ulian ti manga banwa sa daga ni Gad? Unman aw may linahi si Israil manugmana sa inda pag daga?

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Isikil 25:8

Magkun ti Panginuun Diyus, “Ti Muab, pag-ingarnan diman Siir, magkumun ti Huda parihu lang diman sa iba ka nasyun.

Isikil 34:6

Nagtinalalang kang manga karanidu sa manga bantud. Nagkarawayak sida sa buu kalibutan, ag unman gid may nagligaw sa kanda.

Isikil 35:10

“Magkun kamu ti Huda ag Israil bumaliw kanyu, bag-u apuun niyu inda una aku, ti Panginuun, kaibahan nida.

Isikil 36:1

Magkun ti Panginuun, “Anak tawu, pagbagaw kawu sa manga bantud Israil. Sabihi sida, ‘Manga bantud Israil, patingihi niyu ti pagsabihun Panginuun.

Isikil 38:22

Parusahan niku kawu ag kanmu manga sundalu, hanggan ti kaibahan nimu pag manga nasyun. Parusahan niku kamu sarut ag pagmaratyan. Pauranan niku kamu mabaskug pag uran, yilu ga manga batu, ag maglabdaban asupri.

Isikil 39:11

“ ‘Sa tunda pag udas, ilubung niku si Gug hanggan kay mayamu manga tawuhan ati sa Israil, sa Karatagan manga Manuglakaw, sa butlakan baliwa Dagat Namatay. Maluang inda pag lulubngan, nakan unman yi makalawuy ti manga maglakaw ati. Ag ingarnan yi inda Karatagan Gurupu ni Gug.

Huwil 3:12

Magkun ti Panginuun, “Kailangan garyahun ti manga nasyun sa palibut kuntay pag-atag sida sa Karatagan ni Husapat, dahil ati niku sida pag pihuun.

Huwil 3:14

Pagkayamu tawu ti ati sa Luung Kaparusahan, dahil arani yi rumas-ug ti sirang pag parusa Panginuun.

Amus 1:11

Inda ti pagsabihun Panginuun tungkul sa Idum: “Dahil sa parargu pagbuwat kasalanan manga taga Idum, parusahan gid niku sida. Dahil linagas nida kanda katawuhan manga Israilita ag minatay unman may awa. Balaw gid madura kanda pangagalit sa manga Israilita.

Mikas 4:12

Dapat ay unman may alam inda pag manga nasyun sa kang pag-isipun. Balaw nida magkasalman kang gayak, tipunun niku sida hampay parusahan, ga manga uhay tipunun hampay uyasun sa girik-an.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Ipinakakit 11:18

Magkagalit ti manga unman magsarig sa Diyus, dahil nagras-ug yi ti kaudasan nimu pangagalit. Pihuun yi nimu ti manga namatay nu daut nu mayad. Kanmu diman kaudasan pamakaun pirimyu sa manga suruguun nimu, sa manga purupita. Pakan-an diman nimu pirimyu ti manga napasakup sa kanmu hanggan ti tanan maggalang sa kanmu ngaran, una mayaman una pugri. Udas yi hampay dautun nimu ti manga nagpakaun kakurian sa kalibutan.”

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.

Ipinakakit 16:16

Tinipun ngani manga labang ti manga hari ati sa usa ka rugar nu sa bagaw Hibriyu kay ngaran Armagidun.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 20:8

Lumuwang siya hampay dayaun niya ti manga nasyun tawu sa bilug kalibutan, ti manga taga Gug hanggan taga Magug. Tipunun sida ni Satanas hampay maglaban sa gira. Parihu kay kagadhan ga taypuk baras sa baybay dagat kay kayamu.