Huwil 2:7 - Hanunuu

^7-8 Magsalakay sida ag magdayik sa manga alad batu ga manga sundalu. Diritsu kanda lakaw ag unman magsimray sa kanda lakawan. Balaw sida magtululangan, una masulang nida ti manga armas kalaban unman sida magbululagan.

Huwil 2:7 Iomraidhean Croise

2 Samwil 1:23

Pagmahalun ag pagkaawaan gid manga Israilita si Saul ag si Hunatan. Magkaibahan sida sa buhi ag sa kamatayan. Sa girahan, mas maliksi waya sida sa manga agila ag mas mabisug waya sa manga liyun.

2 Samwil 5:8

Sa udwaya magkaslud ni Dabid ti Hirusalim, magkun siya sa kay manga tawuhan, “Ati kamu lakaw sa may lakawan danum hampay makaslud kamu sa Hirusalim ag taluha niyu ti manga Hibusiyu ga manga pilay hanggan buta. Pagkadat-an gid niku sida!” Tunda ginan pag nag-umpisa ti sarabihun, “Unman makaslud ti manga buta ag pilay sa Balay Panginuun.”

1 Krunika 12:36

Ginan sa lahi ni Asir: 40,000 ka anad pag manga sundalu alistu sa girahan.

Hub 16:14

Unman may apas kay magbiyag niya sa kangku. Ginira niya aku ga usa ka sundalu.

Kanta 19:5

Ati ginan magbutlak ti init nu surip parihu sa lalaki magbaya magluwas sa rugar nu naan siya pag-ikinasal, ngatay parihu sa mag-urunahan sa palalagiwan, alistu pumalagiw.

Kabagawan 30:27

ti manga apan, una unman sida may takinan, magdarasnan sida nu maglayang,

Hirimyas 5:10

“Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Huwil 2:9

Pagsalakayun nida ti banwa, pagdaykun waya ti manga alad batu. Pagdaykun waya nida ti manga balay ag maglakaw sa manga gaha ga mananakaw.