Huwil 2:3 - Hanunuu

³ Dasun-dasun rinmugpu ti manga apan ga apuy. Bag-u sida rinmas-ug, ti daga parihu sa halamanan Idin. Pat-ay pagka rinugpuan nida nagbaliw ga pangawakawaan. Unman sida may sinawadan.

Huwil 2:3 Iomraidhean Croise

Gimpuunan 13:10

Nan-alantaw si Lut sa sangput ag nakitan niya ti Karatagan Hurdan tugka sa Suar abunda sa danum, parihu sa halamanan Idin ag daga Ihiptu. (Nangyari inda katpung udwaya rinuris Panginuun ti Suduma ag Gumura.)

Gimpuunan 2:8

Bag-u linalang diman Panginuun Diyus ti usa ka halamanan sa Idin, sa butlakan baliwa, ati pag-ipinauli kay linalang tawu.

Kanta 50:3

Rumas-ug ti Diyus ag balaw siya manahimik lang. Sa kay unahan may maglabdab pag apuy ag sa kay sangput may mabisug pag bagyu.

Kanta 97:3

Mag-una sa kanya ti apuy magsunug sa kay manga kalaban sa sangput.

Pag-ighit 10:15

Nagrugpu inda sa buu daga tugka sa nanmiru ti daga. Kinaun nida ti natayak pag manga tanum balaw nadaut sa uran yilu hanggan ti tanan burak kayu. Unman gid may natayak tanum sa buu Ihiptu.

Pag-ighit 10:5

Sa kayamuun nida, udyi makitan ti daga. Kan-un nida ti manga natayak pag manga tanum balaw nadaut sa uran yilu, hanggan diman ti tanan kakayuhan niyu.

Isayas 14:17

Bukun aw siya ti nanwayak manga banwa, binuwat ga pangawakawaan ti kalibutan, ag unman pinalpasan kay manga binihag?’

Isayas 15:6

Nak-at ti manga laad Nimrim ag narubay ti manga ilamnun. Udyi may malangba manga tanum,

Isayas 33:4

Pamul-un kanda manga kasiyunan; miparihu sida sa tanum rinugpuan apan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Isikil 36:35

sumabi, ‘Ti unman may pakinabang pag daga kaybi, taynguna nagbaliw parihu sa halamanan Idin. Ti manga nagkaradaut kaybi pag manga banwa, taynguna may manga alad batu yi ag pag-ulianan yi.’

Amus 7:4

May ipinakakit waya ti Panginuun Diyus sa kangku: Nakitan niku nag-alistu siya hampay parusahan kay nasakupan sa panab-anan apuy. Bag-u pinamara apuy ti bulbugan danum ginan sa sirung daga, ag inirub ti tanan asan sa daga Israil.

Habakuk 1:6

Dahil pamahalaun niku ti manga taga Babilunya. Inda kay manga nasakupan subra maisug ag maliksi sa paggira sa iba manga nasyun hampay agawun ti manga balaw kanda pag rugar.

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”