Huwil 2:2 - Hanunuu

² Marurum ag madulum sa ati aban pag sirang. Ti kagadhan ag makapangyarihan pag manga apan rumas-ug ag mamululagan sa kabantudan parihu sa singgit init nu magbutlak sa surip. Udwaya may nangyari ga kainda ginan kaybi, ag balaw yi may mangyari ga kainda tugka aban.

Huwil 2:2 Iomraidhean Croise

Kanta 10:6

Mag-isip sida balaw gid sida maampara, nu unman pirmi sida masulung ag unman may daut mangyari sa kanda.

Kanta 97:2

Pagsangputun siya madamul pag rurum, ag maghari siya may katuwiran ag katadlungan.

Pag-ighit 10:14

ag nagras-ug inda sa buu Ihiptu. Udwaya may nangyari ga kainda sa buu Ihiptu kaybi ginan hanggan aban.

Pag-ighit 10:6

Mapnu manga apan kanmu balay hari, ti balay nimu manga may kangaranan hanggan nasakupan. Udwaya may nangyari ga kainda sa tultulanun Ihiptu ginan sa rinmas-ug kanyu ginurang tugka taynguna.’ ” Igu nakasabi nighit yi sida.

Pag-ighit 20:21

Matindugan di ti manga tawu ati sa arayu habang magpakarani si Muysis sa madamul pag rurum nu naan ati ti Diyus.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Isayas 8:22

aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Hirimyas 13:6

Pagkadugay, magkun maan sa kangku ti Panginuun, “Pag-atag kawu sa Sapa Iyupratis, bag-u bul-a nimu ti ipinatagu niku sa kanmu ati pag huragkus.”

Karukuan 1:12

Magkun diman siya sa manga tawu maglawuy, “Baliwala lang aw inda sa kanyu? Bantayi niyu nu may makitan kamu mag-agwanta parihu sa kangku. Inda pag aragwantahun ipinakaun Panginuun sa kangku katpung sa kay masyadu pangagalit.

Isikil 32:7

Nu duraun yi niku kawu, takluban niku madamul pag rurum ti langit, nakan unman yi rumayaw ti manga pamgasan hanggan ti init ag bulan.

Isikil 34:12

Bumaliw aku parihu sa manug-alaga maghanap karanidu nagkaralat. Iribri niku sida sa tanan rugar nu naan sida nagkarawatak katpung udas kaguluhan.

Isikil 38:9

Kawu hanggan kanmu manga sundalu, ag kanmu kaibahan manga nasyun, man-gira sa Israil ga bagyu, ag palibutan niyu inda parihu sa pagsangput rurum.”

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Danyil 9:12

Tinupad nimu kanmu pagsabihun laban sa kanmi hanggan sa kanmi manga takinan kuntay parusahan nimu kami masyadu gid. Nakan ti nangyari sa Hirusalim unman gid may kaparihu sa buu kalibutan.

Huwil 1:6

Dahil kang daga dinaut kagadhan ag makapangyarihan manga apan. Matarum kanda manga ngipun ga manga ngipun liyun.

Huwil 2:25

Dahil pagsabihun Panginuun, “Iuli niku ti tanan nadura sa kanyu katpung dinaut kanyu manga pananum dasun-dasun pag kaban manga apan. Aku ti nagpadara sa kanyu inda pag kaban apan imaw ti kang sundalu.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Huwil 2:5

Kay tunug kanda mag-utbaw sa babaw manga bantud ga manga kalisa magpalalagiwan ga tunug magkairub dayami. Parihu sida sa makapangyarihan pag sundalu alistu man-gira.

Huwil 3:4

“Kamu pag manga taga Tiru, pag manga taga Sidun, hanggan ti tanan rugar sa Pilistiya, hintay inda ti pagbuwatun niyu laban sa kangku? Pagbalusan aw niyu aku sa manga binwat niku? Nu katunda, kadaka niku kamu balusan sa pagbuwatun niyu.

Amus 4:13

Ti Diyus imaw ti naglalang manga bantud hanggan durus, bag-u siya diman ti magsalyu yabi hampay bumaliw sirang. Pag-ipaalam niya sa tawu kay manga gayak, hanggan siya ti magpamahala sa buu kalibutan. Kay ngaran Panginuun, ti Diyus Makamaskihan.

Sipanyas 1:7

“Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.

Sakaryas 14:6

Sa ati pag sirang unman may init ngatay ramig.

Matiyu 24:21

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa pagkalalang kalibutan hanggan waya taynguna tugka, dayi malakawan maan hanggan waya aban.

Markus 13:19

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa kay pagkalalang Diyus sa kalibutan hanggan waya taynguna tugka ag dayi malakawan maan hanggan waya aban.

Diyuturunumiyu 32:7

Alalahana niyu ti nakalawuy pag manga timpu; isip-isipa niyu ti manga nakalawuy pag sinulput-lahi. Paingan-a niyu kanyu manga ginurang nu hintay ti manga nangyari dahil itultul nida inda sa kanyu. Paingan-a niyu kanyu manga manugpamahala dahil itultul nida inda sa kanyu.

Hibriyu 12:18

Balaw kamu ga manga Israilita kaybi sa kanda nagpakarani sa Bantud Sinai. Nakitan gid nida ati ti apuy maglabdab sa pingit pag kadudulman, nadnugan nida kay hagunung untug.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.

Ipinakakit 9:2

Binukasan pamgasan ti kaabasad-basadan bag-u linmuwang ti anus nangagiw parihu ga sa tumpuk daka kay nanganus, nakan nagdulum ti init hanggan ti panungaan langit daga.