Huwil 2:16 - Hanunuu

¹⁶ Tipuna niyu ti manga tawu hampay buwatun ti tun-anun sa paglumpiyu sa kanda sadili, anak man ngatay gurangun, una ti manga lapsag hanggan ti manga bag-u mag-asawa.

Huwil 2:16 Iomraidhean Croise

2 Krunika 20:13

Habang matindugan ati sa atubangan Panginuun ti tanan lalaki taga Huda, kaibahan kanda manga asawa kag anak, hanggan kanda manga lapsag,

2 Krunika 29:5

Magkun siya sa kanda, “Patingihi niyu aku, kamu pag manga lahi ni Libi. Lumpiyuha kanyu sadili taynguna, ag lumpiyuha diman niyu ti Balay Diyus Panginuun, ti Diyus niyu manga ginurang. Bul-a niyu sa Balay Diyus ti tanan mayagting pag bagay.

2 Krunika 30:17

Dahil mayamu sa manga tawu ati ti unman naglumpiyu kanda sadili, ti manga Libita imaw ti nag-iyaw kanda manga karanidu para sa kanda hampay maisagda sa Panginuun.

2 Krunika 30:19

magkaibug magdangup sa kanmu, ti Diyus niya manga ginurang, una waya balaw siya malumpiyu angay sa manga surundanun sa Balay Diyus.”

2 Krunika 35:6

Paglumpiyu kamu ag pag-alistu kanyu sadili sa pagsirbi sa kanyu manga kasimanwa. Pagkatapus, iyawa niyu ti manga karanidu ag kambing para sa Pista Pag-alaala sa Karibrihan. Sunda niyu ti manga sugu Panginuun sa kanyu sa panab-anan ni Muysis.”

Hub 1:5

Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.

Kanta 19:5

Ati ginan magbutlak ti init nu surip parihu sa lalaki magbaya magluwas sa rugar nu naan siya pag-ikinasal, ngatay parihu sa mag-urunahan sa palalagiwan, alistu pumalagiw.

Pag-ighit 19:10

magkun waya ti Panginuun sa kanya, “Atiha nimu ti manga tawu ag sabiha sa kanda lumpiyuha kanda sadili taynguna hanggan aldaw. Kailangan pipian nida kanda manga rutay.

Pag-ighit 19:15

Magkun si Muysis sa kanda, “Ialistu niyu kanyu manga sadili sa ikatlu pag sirang; danga dapu kamu mag-ulid sa kanyu asawa.”

Pag-ighit 19:22

Una ti manga manughandug pirmi magpakarani sa atubangan niku kailangan paglumpiyu kanda sadili dahil nu unman, parusahan diman niku sida.”

Huwil 1:14

Sabihun niyu sa manga paggurangunun sa Huda hanggan sa tanan niya nasakupan, pag-atag sida tanan sa Balay Panginuun nida Diyus danga maghandum karan-unun. Paghagad sida awat sa Panginuun.

Matiyu 21:16

Nakan ti manga pangulu manughandug hanggan ti manga manugtudlu Kasuguan magkun sa kan Hisus, “Nadnugan aw nimu ti manga pagsabihun nida?” Magkun si Hisus sa kanda, “Hu. Unman waya aw lugud kanyu binasa ti isinurat magkun, ‘Ginan sa bibig manga lapsag hanggan magsusu waya pag manga anak kinamhan nimu ti pagdayaw sa kanmu.’”

Matiyu 9:15

Sinmagut si Hisus magkun, “Mahimu aw nguna maruku ti binan-awan sa pamasaruhan nu kaibahan waya nida ti lalaki ipinasaru? Dapat aban bul-un siya ginan sa kanda. Nu udyi siya sa kanda bag-u di unman manhandum karan-unun sida.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

Huswi 7:13

“Pagtindug kawu ag sabihi ti manga tawu lumpiyuha kanda sadili para sa aldaw dahil aku, ti Panginuun Diyus Israil, magkumun: ‘Kamu pag manga Israilita, may itinagu kamu manga bagay ihinandug yi buu sa kangku. Unman kamu makalaban sa kanyu manga kalaban hanggan sa unman mab-ul inda pag manga bagay sa kanyu.

Huswi 8:35

Inusa-usa binasa ni Huswi ti manga sugu ni Muysis sa atubangan tanan kadamlan Israil, kaibahan diman ti manga babayi, ti anak hanggan ti manga day-uhan mag-uli kaibahan nida.

1 Samwil 16:5

Sinmagut si Samwil, “Hu, nag-ataytag aku hampay manhandug sa Panginuun. Lumpiyuha niyu kanyu sadili hampay umatubang sa kanya ag pagkuyug kamu sa kangku hampay minsan kita manhandug sa Panginuun.” Bag-u binwat ni Samwil ti buruwatun para sa paglumpiyu sa kan Isai kaibahan kay manga anak ag kinmuyug diman sida sa paghandug.