Huwil 2:13 - Hanunuu

¹³ Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Huwil 2:13 Iomraidhean Croise

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

2 Samwil 1:11

Pagka nadnugan inda ni Dabid hanggan tanan niya manga tawuhan, ginitas nida kanda manga rutay bilang pagpakakit paghimanglaw.

1 Hari 21:27

Pagka nasaydan ni Akab kay sinabi ni Ilyas, dinaut niya kay rutay ag nanulung saku una sa magkaturug. Balaw siya nanhandum karan-unun ag maruku nagpalakaw-lakaw.

2 Hari 22:11

Pagka nakadnug ti hari sa nakasurat sa Ribru Kasuguan, ginitas niya kay rutay sa karukuan.

2 Hari 22:19

Pinatingihan niku kanmu darangin, dahil nagsisi kawu ag nagpakumbaba kanmu sadili pagka nadnugan nimu kang sinabi laban sa inda pag rugar hanggan sa manga nasakupan inda, kuntay saadan ag rurisun inda pag rugar. Ginisi waya ngani nimu kanmu rutay ag nanlumi sa kang atubangan. Nakan aku, ti Panginuun, magsabi

2 Hari 5:7

Pagka nabasa hari Israil ti surat, ginisi niya kay rutay dahil sa karukuan ag magkun, “Hayga sa kangku niya pag-ipinadara inda pag tawu hampay paayadun kay sakit sa lukub? Hintay aku, Diyus aw? May kapangyarihan aw lugud aku manmatay ag bumuhi? Magbuwat lang siya dahilan hampay man-girirahan kami!”

2 Hari 6:30

Pagka nadnugan hari ti sinabi babayi, ginisi niya kay rutay sa masyadu pag karukuan. Ag habang maglakaw siya sa babaw alad batu, nakitan siya manga tawu may sulung saku pinauniban rutay.

2 Krunika 6:27

patingihi nimu sida asan sa langit. Patawada nimu sida kanmu manga manugsirbi, kanmu manga nasakupan Israilita. Tudlui nimu sida sa matadlung pag magkabuhi, ag padaran-i uran ti daga kanmu ipinakaun sa kanda imaw ti magkaapu nida.

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Kanta 103:8

Mabuut siya ag maawaun; mapagmahal siya ag balaw madali magalit.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 34:18

Arani ti Panginuun sa manga may karukuan kay tagipusuun. Pag-iribri niya ti manga nabul-an pag-asa.

Kanta 51:17

Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 58:5

Sa kanyu balaw maghandum karan-unun, pagsaktan niyu kanyu sadili. Mayungduan kamu bilang labung kugun. Magsulung kamu rutay saku ag magpaigya sa dapug. Tida aw ti pag-ingarnan niyu balaw maghandum karan-unun? Kanyu isip makapasulung tunda sa kangku?

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 41:5

may 80 ka lalaki atabug sa Mispa ginan sa Sikim, sa Silu, ag Samarya. Kinidkid nida kanda manga bungut, ginitas kanda manga rutay ag biniyagan kanda manga bilug hampay ipakakit naghimanglaw sida. May manga dara sida handug hampay pagdayawun ti Panginuun ag manga kamangyan hampay ihandug sa Balay Diyus Panginuun.

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Hunas 3:9

Barang bumag-u waya ti naisipan Diyus ag maparaw kay masyadu pag pangagalit sa kanta ag balaw yi niya kita rurisun.”

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Nahum 1:3

Balaw siya madali magkagalit, dapat makamaskihan gid siya ag pihu parusahan niya ti nagkasala. Nu maglakaw siya maghagunung ga bagyu mabaskug. Ti manga rurum ga galbuk lang mag-asbuk sa kay manga lulud.

Bilang 14:18

magmahal kawu ag balaw madali magkagalit, mapinatawadun sa kasalanan ag paglabag manga tawu. Dapat pagparusahan nimu ti manga nagkasala tugka sa ikatlu ag ikap-at pag sinulput.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Ipisu 2:4

Dapat ay abunda gid kay awa Diyus ag daka gid kay pagmahal sa kanta.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.