Huwil 2:12 - Hanunuu

¹² Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Huwil 2:12 Iomraidhean Croise

2 Samwil 24:10

Nagruku si Dabid igu naipasinsus niya ti manga tawu. Nakan magkun siya sa Panginuun, “Nagkasala duy aku dahil sa kang binwat. Nakan magpakihampang aku sa kanmu, Panginuun, patawada duy aku, kanmu suruguun sa kang kasalanan, dahil unman may pulus kang binwat.”

2 Krunika 30:6

Sa sugu hari, nag-atag ngani ti manga manugbarita sa buu Israil ag Huda dara ti manga surat ginan sa hari ag sa kay manga may kangaranan. Inda ti nakasurat: “Manga nasakupan Israil, taynguna nakaribri kamu sa kamang manga hari sa Asirya, udas yi bumalik-nalub-anan kamu sa Panginuun, ti Diyus niyu manga ginurang nida ni Abraham, Isaak, ag Hakub, hampay bumalik diman siya sa kanyu.

2 Krunika 6:27

patingihi nimu sida asan sa langit. Patawada nimu sida kanmu manga manugsirbi, kanmu manga nasakupan Israilita. Tudlui nimu sida sa matadlung pag magkabuhi, ag padaran-i uran ti daga kanmu ipinakaun sa kanda imaw ti magkaapu nida.

Istir 4:16

“Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Isayas 58:4

Balaw ngani kamu maghandum karan-unun, dapat mag-arawayan diman kamu, magtalaluhan, ag magsuruntukan waya. Danga niyu isipun kanyu unman maghandum karan-unun taynguna makaawat hampay dungugun niku kanyu darangin.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Husyas 12:7

Magkun ti Panginuun, “Maradaya kanyu manga manugnigusyu; maggamit sida balaw insaktu pag kiluhan.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Sakaryas 7:5

“Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.

Malakyas 1:9

Magkun si Malakyas, “Taynguna, kamu pag manga manughandug, hagadun niyu sa Diyus kaawai niya kita. Dapat sa katida pag manga kalasi handug kanyu pag-isagda sa kanya, pihu gid balaw niya kamu bayaun. Imaw inda ti pagsabihun Panginuun Makamaskihan.”

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Talaghusay 2:4

Pagka nadnugan inda manga Israilita, nangungud sida sa lumi.

Talaghusay 20:26

Nakan nagtukad maan ti tanan Israilita sa Bitil ag nanlulumian sa atubangan Panginuun. Unman nanhandum karan-unun sida tugka yabi ag nanhandug manga handug pagsunugun ag manga handug para sa mayad pag pakiusa sa Panginuun.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”

1 Samwil 7:6

Pagka sida nagtipun yi ngani sa Mispa, nanaas sida danum bag-u kanda ibinuhus sa atubangan Panginuun. Balaw sida naghandum karan-unun ati katpung pag sirang, inaku nida kanda kasalanan magkun, “Kami nagkasala laban sa Panginuun.” Pinanguluhan ni Samwil ti manga Israilita ati sa Mispa.