Huwil 2:11 - Hanunuu

¹¹ Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Huwil 2:11 Iomraidhean Croise

Kanta 18:14

Pinana nimu kilat kanmu manga kalaban, ag namalalagiwan sida namululagan.

Kanta 46:6

Magkagulu ti manga nasyun; magkatandug ti manga kaharian. Sa ringgit Diyus ga matunas sa kadalaan ti manga tawu sa kalibutan.

Kanta 68:18

Igu nagtukad siya sa abwat pag rugar mayamu pag manga bihag kay dinara ag nakatanggap siya mayamu pakaun ginan sa manga tawu, una ginan sa manga malaban pag manga tawu. Ag ati pag mangulian ti Panginuun Diyus.

Isayas 13:4

Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Isayas 7:18

Sa ati pag sirang, paniplan Panginuun ti manga taga Ihiptu ag Asirya. Bag-u rumas-ug ti manga taga Ihiptu ga manga langaw ginan sa ararayu pag sapa Ihiptu. Ag rumas-ug diman ti manga taga Asirya ga manga putyukan.

Hirimyas 25:30

“Hirimyas, sabihun nimu sa kanda ti tanan pagsabihun niku, ag sabihun waya nimu, ‘Manringgit ti Panginuun ginan sa langit; mangurarug kay busis ginan sa banal niya pag ulian. Manringgit siya mabaskug sa manga pinili niya. Manringgit diman siya sa tanan mag-uli sa kalibutan ga tawu magringgit habang magpigis siya ubas.

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 50:34

Dapat aku kanda Manuglukat, Panginuun Makamaskihan kang ngaran. Apinan niku sida ag pakan-an kahusayan, dapat guluhun niku ti manga nasakupan sa Babilunya.

Isikil 22:14

Unu, pumarargu aw nguna kanyu isug ag bisug kamang sa udas parusahan niku kamu? Aku, ti Panginuun, ti magbagaw parusahan gid niku kamu, ag buwatun gid niku inda.

Huwil 1:15

Malu, arani yi ti sirang pagparusa Panginuun Makamaskihan.

Huwil 1:6

Dahil kang daga dinaut kagadhan ag makapangyarihan manga apan. Matarum kanda manga ngipun ga manga ngipun liyun.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:2

Marurum ag madulum sa ati aban pag sirang. Ti kagadhan ag makapangyarihan pag manga apan rumas-ug ag mamululagan sa kabantudan parihu sa singgit init nu magbutlak sa surip. Udwaya may nangyari ga kainda ginan kaybi, ag balaw yi may mangyari ga kainda tugka aban.

Huwil 2:25

Dahil pagsabihun Panginuun, “Iuli niku ti tanan nadura sa kanyu katpung dinaut kanyu manga pananum dasun-dasun pag kaban manga apan. Aku ti nagpadara sa kanyu inda pag kaban apan imaw ti kang sundalu.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Huwil 3:14

Pagkayamu tawu ti ati sa Luung Kaparusahan, dahil arani yi rumas-ug ti sirang pag parusa Panginuun.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Amus 5:20

Tutuu gid ti sirang Panginuun dumara parusa ag balaw karibrihan; parihu inda sa kadudulman unman gid may una di diit pag rayaw.

Ubadyas 1:15

“Balaw mana niyu binwat tunda sa Hirusalim, dahil arani yi ti sirang pagsintinsiya niku sa tanan nasyun. Nu hintay kanyu binwat sa iba, katida diman waydi kang buwatun sa kanyu. Nu kabitay kanyu nagkilala sa iba, katida diman waydi kang kumilala sa kanyu.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Malakyas 3:2

Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Bilang 24:23

Ag sinabi waya ni Balaam sa inda pag padakit: “Malu, si unu ti mabuhi nu buwatun Diyus inda?

1 Tisalunika 4:16

Ati katpung pag udas aban, dumugsun ti Panginuun ginan sa langit may matnug pag sugu. Madnugan nita bumagaw ti pangulu anghil ag tumunug ti turumpita Diyus. Bag-u ti manga namatay nu nagsarig sa kan Kiristu imaw ti buhiun dapu.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”