Huwil 2:10 - Hanunuu

¹⁰ Magkatandug ti daga hanggan ti langit sa kanda magras-ug. Magdulum ti init hanggan ti bulan, ag magkadura kay rayaw ti manga pamgasan.

Huwil 2:10 Iomraidhean Croise

Kanta 114:7

Magkatandug ti kalibutan sa atubangan Panginuun, ti Diyus ni Hakub,

Kanta 18:7

Bag-u naglinug, hanggan ti manga patakinan manga bantud nahalu, dahil nagalit kawu, Panginuun.

Isayas 13:10

Udyi rumayaw ti manga pamgasan. Suminggit ti init dapat madlum diman, hanggan ti bulan unman diman mamakaun rayaw.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Hirimyas 4:23

Binantayan niku ti daga ag nakitan niku udyi may histuda hanggan udyi may sukad. Bag-u nakitan diman niku ti langit unman yi may rayaw.

Huwil 2:2

Marurum ag madulum sa ati aban pag sirang. Ti kagadhan ag makapangyarihan pag manga apan rumas-ug ag mamululagan sa kabantudan parihu sa singgit init nu magbutlak sa surip. Udwaya may nangyari ga kainda ginan kaybi, ag balaw yi may mangyari ga kainda tugka aban.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Huwil 3:4

“Kamu pag manga taga Tiru, pag manga taga Sidun, hanggan ti tanan rugar sa Pilistiya, hintay inda ti pagbuwatun niyu laban sa kangku? Pagbalusan aw niyu aku sa manga binwat niku? Nu katunda, kadaka niku kamu balusan sa pagbuwatun niyu.

Amus 5:8

Ti Diyus ti naglalang gurupu manga pamgasan pag-ingarnan Pliyadis ag Uryun. Siya ti magpalawuy rayaw sa dulum, ag sirang sa yabi. Pagtipunun niya ti danum sa manga rurum ginan sa kadagatan bag-u pagpauranan niya ti daga. Panginuun kay ngaran.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Matiyu 24:29

Sinabi ni Hisus magkun, “Ati katpung aban nu nakalawuy yi tunda pag kakurian, susun dumulum ti init, dayi maninggit ti bulan, mangalagpak ti manga pamgasan ginan sa langit, ti manga bagay sa panungaan langit daga matandug ag magkalabalyuhan sa panungaan langit daga.

Matiyu 27:51

Bigla nagisi sa karaw-an ti limbun rutay sa Balay Diyus ginan sa tungud sadsad sa sirung. Naglinug, nan-girini ti manga batu.

Binwat 2:20

Dumulum ti init ag bumaliw ga dugu kay karara ti bulan bag-u rumas-ug kay kaudasan Panginuun, ti makadululaw gid ag pagdayawun pag kaudasan.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Ipinakakit 6:12

Nakitan niku binukasan yi maan Anak Karanidu ti ikan-um pag kula. Bag-u naglinug mabisug, nagdulum yi ti init ga rutay mabiru, nagbaliw ga dugu kay karara ti bulan.

Ipinakakit 8:12

Pagka inyup ikap-at pag anghil kay budyung, nadaut ti ikatlu pag bahagi init, bulan hanggan manga pamgasan, nakan ti ikatlu pag bahagi nida karayawan madlum yi. Nakan nagdulum yi ngani ti ikatlu pag bahagi sirang, unman waydi may rinmayaw sa ikatlu pag bahagi yabi.

Ipinakakit 9:2

Binukasan pamgasan ti kaabasad-basadan bag-u linmuwang ti anus nangagiw parihu ga sa tumpuk daka kay nanganus, nakan nagdulum ti init hanggan ti panungaan langit daga.