Huwil 2:1 - Hanunuu

¹ Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:1 Iomraidhean Croise

1 Krunika 15:28

Nakan dinara tanan Israilita ti Kaban Kasunduan Panginuun may huruyawan, pagpatunug sa manga turumpita, manga budyung ag manga simbals, ag pagpatnug sa manga lira ag manga alpa.

Kanta 119:120

Pagtakigan aku sa paggalang sa kanmu; magkadala gid aku sa kanmu pagsintinsiya.

Kanta 87:1

Ibinungsud Panginuun ti banwa Siun sa banal pag bantud. Pagmahalun niya inda pag banwa higit sa tanan rugar sa Israil.

Pag-ighit 10:14

ag nagras-ug inda sa buu Ihiptu. Udwaya may nangyari ga kainda sa buu Ihiptu kaybi ginan hanggan aban.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 13:9

Pagpatingi kamu! Rumas-ug yi ti sirang Panginuun, ti sirang kahigpitan ag masyadu pag pangagalit. Gubaun ti daga tugka sa udyi maulianan, ag ti manga mag-uli ati pag manga makasalanan rurisun.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Hirimyas 16:10

“Nu sabihun nimu sa manga tawu inda pag manga bagay ag mamaingana sida, ‘Hintay ti nabwat nimi pag kasalanan sa Panginuun nimi Diyus? Hayga kami pinakan-an pasandam Panginuun kuntay rumas-ug sa kanmi ti katida pag kadamhakan?’

Hirimyas 16:7

Unman may mangayaw karan-unun ngatay irinmun hampay pasulungun ti manga magpanruku, una waya ama ngatay ina ti namatay.

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 5:22

Aku, ti Panginuun magsabi: Unman aw kamu may dala sa kangku? Hayga unman kamu pagtakigan sa atubangan niku? Aku ti nagbuwat baras sa baybay dagat hampay bumaliw katugkaan dagat. Inda kay katugkaan balaw malapawan. Paghampakun manga humbak dapat unman nida masagpawan.

Isikil 12:23

Sabihi sida aku, ti Panginuun Diyus, umampara sa inda pag kabagawan ag balaw yi gid nida inda bagawun sa Israil. Sabihi sida arani yi matupad ti manga hula.

Isikil 21:12

“Anak tawu, paglumi kawu mabisug ag taptapa kanmu dubdub sa karukuan dahil inda pag baladaw manmatay sa kang nasakupan manga Israilita ag sa kanda manga takinan.

Isikil 30:3

Dahil arani yi rumas-ug tunda pag sirang, ti sirang pagpihu Panginuun. Magal-um ag madulum tunda pag sirang para sa manga nasyun.

Isikil 33:3

Nu makitan manga bantay magras-ug yi ti manga kalaban, patunugun niya ti budyung para pasandaman ti manga tawu.

Isikil 33:6

Dapat nu nakitan diman bantay magras-ug yi kanda manga kalaban dapat unman niya pinatunug ti budyung hampay pasandaman ti manga tawu, bag-u ginira sida ag may namatay sa kanda, suktun niku ti bantay sa kanda kamatayan una namatay sida dahil diman sa kanda kasalanan.”

Isikil 7:10

“Arani yi gid ti sirang kadamhakan! Masyadu yi gid ti kadautan hanggan ti magpadayaw manga tawu.

Isikil 7:12

Hu, arani yi gid ti sirang kaparusahan. Danga magbaya ti magbili, ngatay magkaruku ti magpabili, dahil kang pangagalit matanggap tanan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Danyil 9:16

Nakan Panginuun, angay sa kanmu buwat matadlung, magpanuyu aku bul-a yi nimu kanmu pangagalit sa Hirusalim, kanmu banwa ag banal pag bantud. Dahil sa kanmi manga kasalanan hanggan sa kasalanan nimi manga ginurang, pinuyaan kami nimi manga kalibut hanggan ti Hirusalim.

Danyil 9:20

Parargu aku magdarangin ag magtapat kang manga kasalanan hanggan ti kasalanan niku manga kasimanwa Israilita. Magpanagunsirung aku sa Panginuun niku Diyus para sa kay banal pag bantud.

Husyas 5:8

“Patunuga ti manga budyung hanggan manga turumpita sa pagpasandam sa manga tawu sa Gibiya hanggan sa Rama! Padnugan ti ringgit kaguluhan sa Bit Abin! Nasakupan Binhamin, pagbantay kamu!

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Huwil 1:15

Malu, arani yi ti sirang pagparusa Panginuun Makamaskihan.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Huwil 2:15

“Uypun niyu ti budyung sa Siun hampay ipasandam sa manga tawu kuntay pagtipun sida ag danga maghandum karan-unun.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Huwil 3:14

Pagkayamu tawu ti ati sa Luung Kaparusahan, dahil arani yi rumas-ug ti sirang pag parusa Panginuun.

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Amus 8:2

Nagpaingana siya sa kangku, “Amus, unu kanmu nakitan?” Nagsagut aku, “Usa ka balulang may sukad manga burak kayu lutu.” Bag-u magkun ti Panginuun sa kangku, “Rinmas-ug yi ti katapusan niku nasakupan Israil. Balaw yi niku sida kaawaan.

Ubadyas 1:15

“Balaw mana niyu binwat tunda sa Hirusalim, dahil arani yi ti sirang pagsintinsiya niku sa tanan nasyun. Nu hintay kanyu binwat sa iba, katida diman waydi kang buwatun sa kanyu. Nu kabitay kanyu nagkilala sa iba, katida diman waydi kang kumilala sa kanyu.

Sipanyas 1:14

Arani yi ti pinakamadala pag sirang kay pagparusa Panginuun. Inda madali rumas-ug. Makuri masyadu ati katpung pag sirang, dahil una ti maisug pag sundalu manringgit manhagad awat.

Sipanyas 1:16

bag-u madnugan ti tunug manga budyung ag ti paragritan manga sundalu maggira sa may alad batu pag manga banwa hanggan sa manga bantayaw nida.

Sipanyas 1:7

“Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.

Sipanyas 3:11

“ ‘Sa ati pag sirang sa kang pagparusa, kamu pag manga taga Hirusalim balaw mangay-a sa manga binwat niyu pag kasalanan sa kangku. Dahil bul-un niku ginan sa kanyu ti manga magpalabaw-labaw ag magpayabang-yabang. Nakan unman yi may pumayabang ati sa kang banal pag bantud.

Sakaryas 14:1

Rumas-ug ti sirang pagparusa Panginuun. Ayaw-ayawun niyu manga kalaban ti manga naagaw nida pag kasiyunan ginan sa kanyu manga taga Hirusalim ag kamu mamantay lang sa kanda.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Bilang 10:2

“Pagpabuwat kawu duwa ka turumpita pilak, inda kanmu gamitun hampay tipunun ti manga tawu ag ialistu sida sa paglakaw.

Bilang 10:3

Nu sabay ipatunug ti duwa ka turumpita, maniripnan ti buu nasakupan sa may sabian Turda Taragbuan.

1 Kurintu 14:8

Dahil una budyung nu tumunug unman may turunu, hintay lugud ti mangalistu maglaban sa gira?

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

Santiyagu 5:8

Kailangan diman kamu pag-agwanta sa alagad. Pagkarig-un kanyu nalub-anan, dahil arani yi kay pagras-ug Panginuun.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”