Huwan 7:3 - Hanunuu

³ Nakan sinabi niya manga patar-ari sa kan Hisus magkun, “Pag-ighit yi duy atay ginan pag daga, pag-ati kawu sa Hudiya, hampay makitan nimu manga tuludluan ati kanmu manga pagbuwatun.

Huwan 7:3 Iomraidhean Croise

Gimpuunan 37:20

Abala kamu, matyun nita siya ag ilagpak sa usa ka bubun atay. Sabihun lang nita minatay siya maisug pag hayup. Bantayan nita nu ungud magkatutuu gid ngani kay manga tagin-up.”

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Matiyu 12:46

Magbagaw waya si Hisus sa kayamuan tawu, nagras-ug kay ina, kay manga patar-ari. Mag-alagad sida sa luwas balay, gustu nida mihampang sa kanya.

Markus 3:21

Pagka nabaritaan niya manga katawuhan, naglinuwang sida hampay siya kanda dakpun, dahil pagkumnun manga tawu paung si Hisus.

Markus 3:31

Nag-ati sa kan Hisus kay ina hanggan kay manga patar-ari. Mag-alagad sida sa luwas balay nagpasugu hampay siya bul-un.

Lukas 8:19

Nag-ati sa kan Hisus kay ina hanggan kay manga patar-ari lalaki, dapat sida unman makapakarani sa kanya dahil sa kadamlan tawu.

Lukas 8:20

May usa ka tawu nagsabi sa kanya, “Kanmu ina hanggan kanmu manga patar-ari lalaki asan sa luwas balay, kanda mana gustu maghampang sa kanmu.”

Huwan 2:2

Binan-awan diman sa pamasaruhan si Hisus hanggan kay manga tuludluan.

Huwan 6:60

Pagka nadnugan nida kay manga itinudlu ni Hisus, mayamu tuludluan nagsabi magkun, “Madalum maaw inda pag manga itinudlu niya. Hintay ti may mananggap tunda?”

Huwan 6:66

Siyun ginan mayamu pag tuludluan nag-urung yi, udyi nagkuyug sa kanya.

Huwan 7:10

Pagka nag-ati yi sa Kapistahan kay manga patar-ari, si Hisus nag-ati waydi, dapat balaw siya nag-ati sa hayagan. Naglihus siya hampay unman makilala manga tawu.

Huwan 7:4

Unman may tawu mataguan kay buwat nu gustu dayawun siya tanan tawu. Nu kanmu yi lang waydi pagbuwatun inda pag manga bagay, pakakitan yi lang nimu sa manga tawu.”

Huwan 7:5

Dahil una kay manga patar-ari unman diman nagsarig sa kanya.

Binwat 2:14

Tinmindug si Pidru hanggan ti sampulu may usa ka kaibahan niya manga apustul. Ainalsa ni Pidru kay busis sa kay magpaliwanag sa kayamuan tawu magkun, “Kamu pag manga kaparihu niku Hudiyu hanggan kamu tanan manga mag-uli sa Hirusalim, pag-isipa niyu inda, kamu pagpatingi mayad, dahil aku may itultul sa kanyu.

1 Samwil 17:28

Pagka nadnugan ni Ilyab (kay aka ni Dabid) maghampang si Dabid sa manga tawu, nangisug gid siya. Sinabi niya sa kan Dabid, “Hayga kawu nagsitaytag? Si unu kanmu ipinabantay sa kanta manga karanidu sa pangawakawaan pira-pira wadi ngani ka bilug? Kanmu isip ga si unu yi gid kawu. Alam niku nu kabitay kawu kayabang. Nagsitaytag lang kawu hampay manuud labanan.”