Huwan 3:3 - Hanunuu

³ Sinmagut si Hisus magkun, “Ungud duy kang pagsabihun sa kanmu, dayu gid makapasakup ti tawu sa kay paghari Diyus, purya lang nu siya ainanak inuman.”

Huwan 3:3 Iomraidhean Croise

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Matiyu 16:17

Nagsabi si Hisus sa kanya, “Pinapaladan kawu duy, Simun anak ni Hunas, dahil inda pag katutuuhanan unman tawu ti nagpakilala sa kanmu nu unman kang Ama sa langit.

Matiyu 19:24

Kang waya pagsabihun sa kanyu, malpus waya ti kamilyu sumuyuk sa sulat dayum, makuri man ti mayaman magpasakup sa kay maghari Diyus.”

Matiyu 21:31

Naan sa duwa ka anak ti nagtupad sa kagustuhan niya ama?” Sinabi manga manugpatingi magkun, “Ti un-an.” Sinabi ni Hisus sa kanda, “Ungud duy kang pagsabihun sa kanyu, ti manga manunukut buhis ag ti manga uragin umuna waya sa kanyu pumasakup sa kay paghari Diyus.

Matiyu 5:18

Ungud duy kang pagsabihun sa kanyu, madura di ti langit hanggan ti daga, dapat una lang usa ka pinakadiit pag bahagi Kasuguan ud madura hanggan sa ud matupad ti tanan-tanan manga isinurat siti.

Markus 10:14

Pagka nakitan ni Hisus, nag-isug siya. Sinabi niya sa manga tuludluan, “Pabay-ani niyu ti manga anak magpakarani sa kangku. Danga yi niyu pag-irangi. Dahil ti ga anak imaw ti pagharian Diyus.

Markus 9:47

Nu kanmu mata tigpaturun sa kanmu tabug sa kasalanan, luwata yi nimu. Mayad waya nu sumulud kawu sa kaharian Diyus buta kanmu usa ka mata, sayang waya nu kawu may duwa ka mata bag-u iyamut sa impirnu.

Huwan 1:13

Sida manga anak yi Diyus dapat balaw parihu sa tawu pag kapanganakan may ama may ina, nu unman dahil sa kagustuhan Diyus.

Huwan 1:5

Ti sulu magrayaw sa kadudulman ag unman dinaug kadudulman ti sulu.

Huwan 1:51

Bag-u sinabi ni Hisus sa kanya magkun, “Ungud duy kang pagsabihun sa kanyu, makitan niyu aban nabukasan ti langit, ti manga anghil Diyus may tag sa daga may tag sa langit dahil sa kanda magpasakup sa kapangyarihan Anak Tawu.”

Huwan 12:40

“Binuta Diyus kanda manga mata agud unman sida makakit. Pinaganit Diyus kanda tagipusuun agud unman sida makaintindi. Sinabi Diyus magkun, nakan katida kang binwat sa kanda hampay sida unman bumalik tag sa kangku. Dayu waydi paayadun niku sida.”

Huwan 3:4

Pinaingana ni Nikudimu sa kanya magkun, “Kabitay duy pag mianak uman ti tawu nu gurangun yi siya? Dayu gid siya makasulud maan sa tiyan niya ina hampay ianak uman.”

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Diyuturunumiyu 29:4

Dapat tugka taynguna kanyu nakitan ag nasaydan unman waya pag-ipalinaw Panginuun sa kanyu.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

1 Huwan 2:29

Alam yi niyu si Kiristu ti matadlung. Nakan magkaalaman diman waydi niyu una hintay pag tawu nu matadlung kay buwat siya anak yi Diyus.

1 Huwan 3:9

Una hintay pag tawu ti nianak Diyus unman mag-ugali sa kasalanan, dahil kay tinanggap yi ti bag-u buhi ginan sa Diyus. Dayu mahimu siya mag-ugali sa kasalanan dahil Diyus yi kay Ama.

1 Huwan 5:1

Una hintay pag tawu tigpaniwala si Hisus yi ngani ti Pinili Diyus Manugribri pag Hari, ati pag tawu nianak Diyus. Una hintay pag tawu tigmahal sa Ama, magmahal diman waydi siya sa Anak.

1 Huwan 5:18

Magkaalaman nita una si unu ti anak Diyus dayu pumadayun sa kasalanan, dahil pag-alagaan siya Anak Diyus ag dayu makagaraw sa kanya si Satanas.

1 Huwan 5:4

Dahil una hintay pag tawu nu nianak yi Diyus, magpanalu siya sa ugali kalibutan. Kanta pagsarig imaw yi ngani kanta panalu sa ugali kalibutan.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus: