Huwan 1:1 - Hanunuu

¹ Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Huwan 1:1 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Kanta 45:6

Kanmu kaharian, Diyus, balaw gid may katapusan, ag matadlung kanmu magpanguna sa kanmu kaharian.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Lukas 24:53

Pirmi sida nagtiripun sa Balay Diyus magdayaw sa kanya.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 1:2

Ginan waya sa kabag-u ti Bagaw daan asan diman sa Diyus.

Huwan 16:28

Ginan aku sa Ama nagsitay sa kalibutan. Bag-u tayakan maan niku ti kalibutan, atabug maan sa Ama.”

Huwan 17:5

Amang, taynguna pakan-an nimu aku kadayawan sa kanmu atubangan ga kaybi diman kang kadayawan asan sa kanmu, pagka udwaya nalalang ti kalibutan.

Huwan 20:28

Sinabi ni Tumas sa kan Hisus magkun, “Kawu duy kang Panginuun hanggan kang Diyus.”

Huwan 8:58

Sinmagut si Hisus magkun, “Ungud duy kang pagsabihun sa kanyu, pagka udwaya nianak si Abraham, daan di aku ngani.”

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Pilipus 2:6

Si Hisus daan diman Diyus, unman kailangan maghinaum magpaparihu sa Diyus.

Kulusas 1:15

Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

Kulusas 1:17

Si Kiristu ti un-an sa tanan. Unman may kaayusan ti tanan manga bagay nu unman ginan lang sa kanya.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 13:8

Nu kabitay si Kiristu Hisus kaaldaw, hanggan taynguna, balaw mauman siya hanggan waya aban.

Hibriyu 7:3

Unman may ama may ina, unman may naalaman sa kay ginurang, unman may naalaman sa kay kapanganakan una kay kamatayan. Parihu sa Anak Diyus, unman may katapusan kay pagkamanugsagda sa Panginuun.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

1 Huwan 5:7

Dahil tulu tigpakilala nu si unu si Hisus, ti Ispiritu, ti danum hanggan ti dugu. Inda pag tulu urusa lang kay turunu.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Ipinakakit 1:2

Bag-u isinurat ni Huwan ti tanan niya nakitan tungkul sa kay sinabi Diyus hanggan tungkul sa kay ipinaalam ni Hisu-Kiristu.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 19:13

Isinugmaw sa dugu kay manga rutay. Bagaw Diyus kay yi ngaran.

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:13

Aku ti Alpa ag ti Umiga, aku ti sa kabag-u, aku diman ti sa katapusan. Aku ti umpisa, aku diman ti masawad.”

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus: