Husyas 9:8 - Hanunuu

⁸ Bilang purupita, pag-ibahan aku niku Diyus sa paggiya sa kanyu manga taga Israil. Dapat una naan tag aku gustu niyu aku ipadamhak; parihu aku sa manuk kanyu pagkaibgan sudkun. Magkagalit sa kangku ti manga tawu sa Israil, ti pagkilalan-un Diyus kay ulian.

Husyas 9:8 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

1 Hari 18:1

Tulu yi ka timpu unman may uran. Pagka sa usa ka sirang, magkun ti Panginuun sa kan Ilyas, “Paglakaw yi kawu ag pagpasampak sa kan Akab, dahil pauranun yi niku.”

1 Hari 18:19

Taynguna, tipuna nimu ti tanan nasakupan Israil hampay ibahan nida aku sa Bantud Karmilu. Ag paataga diman nimu ti 450 ka manga purupita ni Baal hanggan ti 400 ka purupita ni Asira, ti pagpakan-un ni Hisibil.”

1 Hari 22:11

Si Sidikyas usa sa manga purupita kay anak ni Kanaana nagbuwat manga sungay baul. Magkun siya, “Inda ti pagsabihun Panginuun sa kan Hari Akab: ‘Sa panab-anan manga sungay inda, rurisun nimu ti manga Aramiyu tugka sa matabu sida.’ ”

1 Hari 22:22

Sinmagut siya, ‘Atabug aku ag pabagawun niku kapudilan kay manga purupita ni Akab.’ Magkun ti Panginuun, ‘Paglakaw kawu ag buwata inda. Manalu kawu sa pagtaban sa kanya.’ ”

1 Hari 22:28

Magkun si Mikaya, “Nu makabalik kawu may kahusayan, kay ibug sabihun unman nagbagaw ti Panginuun sa kangku.” Ag magkun si Mikaya sa tanan tawu ati, “Tandai niyu ti sinabi niku!”

1 Hari 22:6

Nakan ipinatawag ni Akab ti manga purupita — manga 400 sida tanan ag pinaingana, “Atabug aw kami sa Ramut Gilyad ngatay unman?” Sinmagut sida, “Sigi, paglakaw kamu, dahil papanaluhun kamu Panginuun!”

2 Hari 13:21

Kas-a ginan, may manga taga Israil manlubung mana namatay. Dapat pagka nakakit sida gurupu manga taga Muab magpan-gira, nagdaldali isinukad nida ti bangkay sa lukib naglubngan sa kan Ilisyu bag-u nalagiw. Pagka nid-ut ti bangkay sa manga but-ul ni Ilisyu, nabuhi ti namatay ag tinmindug.

2 Hari 2:14

Ihinampak niya sa danum ti kulimpay ni Ilyas ag nagsabi, “Naan yi taynguna ti Panginuun, ti Diyus ni Ilyas?” Pagka binuwat niya tunda, natunga rargu ti danum ag nagdipay siya.

2 Hari 2:21

Naglakaw rargu siya atabug sa bulbugan ag iyinmut atag ti asin bag-u magkun, “Inda ti pagsabihun Panginuun: ‘Linumpiyu yi niku inda pag danum, nakan taynguna bukun yi inda makamatay ngatay bukun yi makapaapas sa magtubu manga tanum.’ ”

2 Hari 4:41

Magkun si Ilisyu, “Bul-i aku arina.” Ibinuhus rargu niya ti arina sa anglit ag magkun sa panawuhun, “Hayinan yi inda sa kanda hampay kumaun sida.” Ag balaw yi daut kay lasa inda.

2 Hari 4:43

Magsabi kay panawuhun, “Kabitay niku inda maipakang-ud sa 100 tawu?” Sinmagut si Ilisyu, “Pakan-an lang tunda sa kanda hampay kumaun sida. Inda ti pagkumnun Panginuun: Makakaun sida ag may masawad waya.”

2 Hari 5:14

Nakan linmakaw ngani si Naaman tabug sa Sapa Hurdan ag napatalgub kay sadili makapitu ka bisis, angay sa pagsabihun suruguun Diyus. Tunda ginan mayad yi kay sakit ag malumpiyu yi kay lukub parihu sa lukub lapsag.

2 Hari 5:27

Dahil sa inda pag binwat nimu, kay sakit sa lukub ni Naaman misalin sa kanmu hanggan sa kanmu manga linahi hanggan aban.” Pag-ighit ni Gihasi ginan sa kan Ilisyu, nagkaimaw ngani siya dilikadu pag sakit sa lukub, ga burak yi kay kalagti kay lukub.

2 Hari 7:19

Sinmagut tunda katpung ti takinan hari, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

Kanta 124:7

Nakapalagiw kita parihu sa manuk nakalpas sa suduk nadaut.

Manugtudlu 9:12

Balaw lang inda, nu unman niya alam nu kapira pag rumas-ug kay kaudasan. Parihu siya sa manuk nasduk ngatay sa isda nasarap; magkatakdan siya balaw mayad pag udas ag kadaka lang magras-ug sa kanya.

Kanta ni Sulumun 3:3

Nakitan aku manga guwardiya magpalibut-libut sa banwa. Pinaingana niku sida, “Nakitan aw niyu kang mahal?”

Isayas 62:6

Hirusalim, nagpauli aku manga taga bantay sa kanmu manga alad batu. Unman sida umapas sirang yabi sa pagpakaun pasandam sa manga nasakupan nimu. Kamu pag manga magdarangin sa Panginuun, danga kamu mag-apas sa kanyu magdarangin.

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 14:13

Dapat ay magkun aku, “Panginuun Diyus, alam duy nimu kuntay pirmi pagsabihun sa kanda manga purupita kuntay unman kunu may gira aw ngatay lun-us rumas-ug dahil magkun kunu kawu pakan-an nimu sida kahusayan sa kanda nasyun.”

Hirimyas 23:13

“Nakitan niku daut masyadu ti manga purupita sa Samarya, dahil magpanhula sida sa ngaran ni Baal ag pagpatalangun nida ti manga nasakupan niku manga Israilita.

Hirimyas 31:6

Rumas-ug ti sirang ti manga manugbantay sa banwa manhuyaw ati sa kabantudan Ipraim, ‘Abala kamu, atag kita sa Hirusalim agud mansamba sa Panginuun nita Diyus.’ ”

Hirimyas 6:14

Pagpabay-anan nida ti biyag niku manga nasakupan una masyadu yi. Pagsabihun di nida kuntay mayad di ti tanan una unman.

Hirimyas 6:17

Nagpauli aku manga manugbantay bag-u magkun sa kanyu, ‘Patingihi niyu ti tunug budyung bilang pasandam.’ Dapat magkun kamu, ‘Balaw kami mamatingi.’

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Isikil 3:17

“Anak tawu, binwat niku kawu bantay sa nasakupan Israil. Nakan nu unu man pag paandam ti madnugan nimu sa kangku sabihun nimu sa kanda.

Isikil 33:7

Magkun waya gid ti Panginuun, “Anak tawu, pinili niku kawu bantay sa nasakupan Israil, nakan patingihi inda kang pagsabihun, bag-u paandami ti manga tawu.

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Husyas 9:9

Masyadu yi gid kamu daut, parihu sa kaybi pag manga lalaki sa Gibiya. Alalahanun Diyus kanyu kadautan; parusahan niya kamu dahil sa kanyu manga kasalanan.”

Mikas 7:4

Ti pinakamayad sa kanda parihu lang sa ilamnun unman may pakinabang. Rinmas-ug yi ti kaudasan parusa Diyus sa inda pag manga tawu, ga kay binagaw sa panab-anan manga purupita ga manga guwardiya sa bantayaw. Rinmas-ug yi ti kaudasan nida pagkalitu.

Huwan 15:24

Nakan may saragtun gid sida sa kanda manga kasalanan, dahil nakitan gid nida ti makadululaw pag binwat niku unman mabuwat una sitapu pag tawu. Kanda gid nakitan tunda, bag-u kanda ngap kinagalitan aku hanggan ti Ama.

Ruma 3:7

Dapat nu abi ginan sa kang kapudilan lalu lumutaw ti katutuuhanan Diyus, dahil pag-ipakakit kay katupadan, matadlung aw nguna siya nu parusahan niya aku bilang ga usa ka makasalanan?

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.