Husyas 9:6 - Hanunuu

⁶ Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Husyas 9:6 Iomraidhean Croise

2 Hari 13:7

Pagka sa uryan, ti nasawad sa kan Hihuahas ti 50 wadi ka manugkabayu, 10 ka kalisa, 10,000 ka sundalu, dahil ti iba pinanmatay hari Aram, parihu sa galbuk tinatatataan sida.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kabagawan 24:31

Punu yi inda manga ilamnun ag dugihin pag manga kayu, bag-u daut yi kay alad.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 19:13

Ungud unman may intindi ti manga takinan Suan ag Mimpis. Madali sida magkadaya. Sida pag manga takinan imaw mana ti kailangan manguna sa manga nasakupan Ihiptu, dapat sida waya ti magpandaya sa kanda.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 32:13

Ti daga niku manga nasakupan tubuan manga ilamnun ag dugihan pag halaman. Magkaradura ti masulung pag ulian hanggan banwa.

Isayas 34:13

Manubu ti tanan manga madugi ilamnun sa manga naaladan batu pag banwa hanggan sa manga mararig-un pag bahagi inda. Mangulian ati ti manga bukaw ag manga simarun idu.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Hirimyas 2:16

Ti manga taga Mimpis ag ti manga taga Tapanis ti nagwayak sa kanya.

Hirimyas 42:22

Nakan pagsiguraduhun niku sa kanyu kuntay mamatay kamu sa girahan, kalun-usan ag sakit sa Ihiptu, sa rugar nu naan gustu niyu mangulian.”

Hirimyas 44:1

Sinabi Panginuun sa kan Hirimyas ti tungkul sa tanan Hudiyu mag-ulian baliwa sa kanaway Ihiptu: sa manga banwa Migdul, Tapanis, ag Mimpis hanggan ti manga ati baliwa sa salatan Ihiptu.

Hirimyas 44:12

Kamu pag manga magkasawad buhi sa Huda magpilit ataytag sa Ihiptu, magkaramatay kamu tanan ginan sa pinakapugri tugka sa pagdayawun. Magkaramatay kamu sitay sa girahan aw ngatay sa lun-us. Saadan, kayagtingan, kadat-an, ag puyaan kamu.

Hirimyas 44:13

Buwatun niku sa kanyu sitay sa Ihiptu ti binuwat niku sa Hirusalim. Parusahan diman niku kamu sa panab-anan girahan, lun-us ag sakit.

Hirimyas 46:14

“Hirimyas ipadakit inda sa Ihiptu, sa Migdul, sa Mimpis ag Tapanis: Pag-alistu yi kamu dahil nakaalistu yi ti baladaw hampay rurisun kamu.

Hirimyas 46:19

Kamu pag manga nasakupan Ihiptu, ialistu yi niyu kanyu manga dara-darahan dahil bihagun kamu. Mawayak ti Mimpis, bumaliw mapung-aw inda ag unman yi may mangulian sitay.

Isikil 30:13

Magkun waya gid ti Panginuun Diyus, “Wasakun diman niku ti manga diyus-diyusan sa Mimpis. Unman yi may mamunu sa Ihiptu ag padalaun niku ti tanan nasakupan inda.

Isikil 30:16

Sunugun niku ti Ihiptu! Man-arunghung sa sakit ti Pilusiyum. Midamhak ti Tibis, ag pirmi madala ti Mimpis.

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Husyas 11:11

Rumas-ug kamu madali parihu sa manga manuk maglayang sa tungud ginan sa Ihiptu ngatay parihu sa manga kalampati ginan sa Asirya. Pauliun maan niku kamu sa kanyu manga balay. Aku, ti Panginuun, ti magsabi inda.”

Husyas 2:6

“Nakan aladan niku siya dugihin pag manga yangaw hampay unman siya makaluwas.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 7:13

Kaawaawa sida dahil napakarayu sida sa kangku. Rurisun niku sida dahil naglaban sida sa kangku. Gustu mana niku iribri sida, dapat magbagaw sida kapudilan tungkul sa kangku.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 9:3

Umighit kamu ginan sa Israil, sa daga Panginuun, ag bumalik kamu sa Ihiptu. Ti iba sa kanyu atabug sa Asirya, mangaun kamu ati manga karan-unun pagbaliwun niyu mag-uring.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Sipanyas 1:11

Paglulumian kamu, kamu pag manga mag-ulian sa ababa bahagi banwa Hirusalim dahil mamatay ti tanan niyu manga manugnigusyu.

1 Samwil 13:6

Pagka nakitan manga Israilita alangan kanda kahamtangan, napatagu sida sa lukib, sa manga basad mailamnun, sa manga batuhan, sa manga ukang hanggan sa tiripunan danum.