Husyas 9:4 - Hanunuu

⁴ Balaw yi kamu pasnuan maghandug intus sa Panginuun. Kanyu manga handug unman makapasulung sa kanya. Una si unu ti kumaun inda pag manga handug ipaparihu sa mauring, dahil tunda parihu lang sa karan-unun sa balay namatyan. Kanyu manga karan-unun para lang sa kanyu sadili; balaw inda mahimu maisagda sa Balay Panginuun.

Husyas 9:4 Iomraidhean Croise

Pag-ighit 29:40

Pagka manhandug kawu karanidu sa surip, paghandug diman kawu duwa ka kilu marinu pag kalasi arina linibugan usa ka litru lana ginan sa pin-gis ulibu. Paghandug diman kawu usa ka litru pin-gis ubas bilang handug irinmun.

Pag-ighit 40:23

Ipinauli niya sa lamisa ti tinapay handug sa atubangan Panginuun. Binuwat niya inda tanan angay sa isinugu Panginuun sa kanya.

Isayas 57:6

Ti manga malitis pag batu sa sapa pagbuwatun yi niyu diyus ag pagsambahun sa panab-anan pagsagda karan-unun hanggan irinmun. Balaw aku magbaya sa kanyu pagbuwatun.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 16:7

Unman may mangayaw karan-unun ngatay irinmun hampay pasulungun ti manga magpanruku, una waya ama ngatay ina ti namatay.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Isikil 24:17

Mahimu lang kawu umarup aba dapat danga pagpakakitan magkaruku kawu. Danga paglukasa kanmu taung hanggan lapak. Danga pagtabuni kanmu uyahun. Danga diman kawu magkaun karan-unun pagkan-un manga magpanruku sa namatay.”

Isikil 24:22

Ag buwatun niyu ti binwat ni Isikil. Danga niyu pagtabuni kanyu uyahun, bag-u danga kamu magkaun karan-unun pagkan-un manga magpanruku sa namatay.

Danyil 1:8

Dapat nagpasya si Danyil balaw siya mangaun karan-unun hari hanggan manginum kay irinmun, hampay balaw siya mauringan. Nakan nagpakihampang siya sa kan Aspinas kuntay danga siya pagpakan-i tunda pag karan-unun hanggan irinmun.

Husyas 3:4

Dahil kay ibug sabihun, maduraan hari hanggan takinan ti nasakupan Israil sa kadugayun pag panahun. Maduraan diman manga handug hanggan aramirawan pag batu, katunda diman ti ipud garamitun sa panhula hanggan ti manga diyus-diyusan.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:9

Dahil unman yi may butir maani aw ngatay irinmun intus handug sa Balay Panginuun; nakan ngani maruku ti manga magsirbi sa kanya pag manga manughandug.

Huwil 2:14

Barang ngani bumag-u kay isip ag papaladan kamu abunda pag ani, hampay makahandug kamu sa Panginuun niyu Diyus manga butir hanggan intus.

Libitiku 17:11

Dahil ti buhi kada linalang ati sa kay dugu ag isinugu Panginuun sa kanyu kuntay gamitun niyu inda hampay malukat kamu sa kanyu manga kasalanan, dahil ti dugu imaw ti magpakaun buhi, imaw ti makalukat sa tawu ginan sa kay manga kasalanan.

Libitiku 21:17

sabiha inda sa kan Aarun: Unman may una si unu sa kanmu manga lahi tugka sa sunud pag manga sinulput tawu ti makahandug agud kang karan-unun, nu may alangan kay bilug.

Libitiku 21:21

Nakan nu ti usa nimu ka katawuhan may alangan, unman siya mahimu maghandug sa kangku manga pakaun sa panab-anan apuy, imaw kang karan-unun. Dayu diman siya mahimu magsulud sa Banal pag Sulud-sulud una pumakarani sa harandugan dahil mayagtingan kang Turda. Dapat mahimu siya makakaun karan-unun para lang sa manga manughandug sa banal pag pakaun hanggan sa pinakabanal pag handug. Aku ti Panginuun imaw ti nagpili sa kanyu para sa kangku.

Libitiku 21:6

Kailangan italaga niyu kanyu sadili para sa kangku, sa kanyu Diyus, ag danga niyu pagpakay-aha kang ngaran. Buwata niyu inda dahil kamu ti manughandug manga handug sa panab-anan apuy, imaw kang karan-unun.

Libitiku 21:8

Kailangan kilalan-un kamu banal niyu kaparihu Israilita dahil kamu ti naghandug manga handug para sa kangku. Hu, kailangan gid ngap kamu kilalan-un nida banal dahil aku, ti Panginuun, banal gid, ag pagbuwatun niku banal kang manga nasakupan.

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Bilang 19:11

“Una si unu ti mid-ut sa bangkay kilalan-un mayagting sa sulud pitu ka sirang.

Bilang 28:2

“Sabiha sa manga Israilita kailangan manhandug sida sa kangku manga handug sa panab-anan apuy sa nakatagka pag udas. Inda pag manga handug imaw kang pinagka karan-unun, kay hungaw tunda makapasulung sa kangku. Nakan sabiha inda sa manga Israilita:

Bilang 4:7

“Sapinan diman nida marutum pag rutay ti lamisa burugtangan tinapay pag-ihandug sa atubangan Diyus; ag ipauli nida sa lamisa ti manga pinggan, manga tasa, manga ungut, manga siburan pagsukadan manga handug irinmun, ag ti manga tinapay pirmi sa lamisa.

Huwan 6:51

Aku ti nagsitay ginan sa langit ga karan-unun makapakaun buhi. Nu kan-un tawu inda pag karan-unun, may tutuu pag buhi siya unman may katapusan. Ti karan-unun kang ipakaun imaw yi kang bilug sa ikabuhi manga tawu sa babaw daga.”

Diyuturunumiyu 26:14

Balaw niku inda kinaun mintaras magpanrukuan aku; unman niku inda tinandug mintaras mauring aku; ag unman niku inda isinagda sa namatay. Ungud, Panginuun niku Diyus, sinunud niku kawu. Binwat niku ti tanan nimu pag-isugu sa kanmi.