Husyas 9:1 - Hanunuu

¹ Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Husyas 9:1 Iomraidhean Croise

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Isayas 17:11

una waya tumubu ag mamusang sa sirang katpung niyu itinanum, unman kamu may mab-ul kay burak. Nagbudlay lang kamu ag nakurian.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Karukuan 4:21

Sigi, pagbaya kamu ag pagmasulung, kamu pag manga nasakupan Idum mag-uli sa daga Us. Dapat ipainum diman sa kanyu ti ungut parusa Panginuun, bag-u malangu kamu ag maubahan.

Isikil 16:15

“ ‘Dapat nagsarig kawu sa kanmu karinuan, ag ginamit nimu kanmu pagkabantug sa kahalayan pagpanguragin. Nagpagamit kawu una lang sa kantapu pag lalaki maglawuy, ag nagpasawa-sawa sida sa kanmu.

Isikil 16:30

“ ‘Aku, ti Panginuun Diyus, magbagaw magkun madali kawu makagarya. Imaw ngani nakan nabwat nimu tunda pag manga bagay ga sa usa ka uragin pag babayi magpabili kay bilug.

Isikil 20:32

“ ‘Balaw gid mangyari kanyu pag-isipun nasakupan bumaliw parihu sa iba manga nasyun kanda nasakupan magsamba sa manga diyus-diyusan buwat sa batu ag kayu.

Husyas 10:5

“Madala ti manga nasakupan Samarya dahil madura ti manga diyus-diyusan dumaraga baka sa Bit Abin. Sida hanggan kanda manga manughandug magbaya sa marinu nida pag manga diyus-diyusan manrukuan gid dahil bul-un tunda sa kanda

Husyas 2:12

Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Amus 4:5

Pagsunug kamu tinapay may pamadaka bilang handug pasalamat sa kangku. Malu, ipadayaw niyu tunda hanggan kanyu manga buluntad pag handug, dahil tunda kanyu pagkaibgan buwatun. Aku, ti Panginuun Diyus, ti magsabi inda.

Amus 6:13

Magbaya kamu sa kanyu panalu laban sa manga banwa Lu Dibar ag Karnaim, bag-u magkun kamu, “Natalu nita sida sa panab-anan nita sadili kabisugan.”

Amus 8:10

Buwatun niku lulumian kanyu kabayaan sa pista, ag kanyu magkarantahan buwatun niku hirinangbitun. Parutayan niku kamu saku ag suguun pagpakalbu sa pagpakakit kanyu karukuan, parihu sa manga gurang maglumi sa pagkamatay nida bugtung pag anak. Dapat mas mahigpit waya gid ti uryan pag parusa.”

Santiyagu 4:16

Dapat kamu magpalabi-labi, magpayabang-yabang. Tunda ngap duy daut.

Santiyagu 5:1

Pagpatingi kamu pag manga mayaman. Paglumi kamu pagnguynguy dahil sa manga kakurian rumas-ug sa kanyu.