Husyas 8:5 - Hanunuu

⁵ Pagdayuun niku ti diyus-diyusan baka manga taga Samarya. Magsiklab kang galit sa kanda. Kapira waya nguna sida pag mangabuhi malumpiyu?

Husyas 8:5 Iomraidhean Croise

2 Krunika 13:8

Bag-u taynguna gustu niyu kalabanun ti kaharian Panginuun pagdumarahan linahi ni Dabid. Magpadayaw kamu kuntay mayamu kanyu manga sundalu ag dara niyu ti manga gintu baka kay ipinabwat ni Hirubuam bilang kanyu manga diyus.

Kanta 19:13

Awati diman aku balaw makatikis makabwat salan. Danga nimu ipahintulut aku panawuhun kadautan, agud unman may ikasabi sa kang buhi ag makalpas aku sa mayamu pag kalasi kasalanan.

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Hirimyas 13:27

Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Hirimyas 48:13

Ag ikay-a manga taga Muab ti diyus-diyusan nida si Kimus, parihu sa nangyari sa Bitil pagka ikinay-a manga taga Israil kanda diyus-diyusan.

Husyas 10:5

“Madala ti manga nasakupan Samarya dahil madura ti manga diyus-diyusan dumaraga baka sa Bit Abin. Sida hanggan kanda manga manughandug magbaya sa marinu nida pag manga diyus-diyusan manrukuan gid dahil bul-un tunda sa kanda

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Husyas 13:2

Taynguna tugka, kamu pag manga taga Ipraim parargu magbuwat kadautan. Dahil magbuwat kamu manga histuda manga diyus-diyusan ginan sa kanyu manga pilak hampay kanyu sambahun. Dapat inda tanan buwat lang waydi tawu ag angay lang sa kanyu naisipan. Magkun waya kamu manhandug tawu sa inda pag manga diyus-diyusan baka ag mangaruk sa kanda.

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Amus 8:14

Kamu pag manga magsumpa sa ngaran manga diyus-diyusan Samarya, Dan hanggan Biirsiba, rurisun kamu ag balaw yi kamu makabangun.”

Mikas 1:7

Magkararunut ti tanan histuda diyus-diyusan manga taga Samarya, ag magkarairub ti tanan ibinayad manga lalaki sa kanda naggamit manga babayi baraydan sa balay nida diyus. Nakatipun ti Samarya manga histuda diyus-diyusan sa panab-anan nida manga ibinayad sa manga babayi baraydan sa kanda balay diyus, nakan bul-un nida manga kalaban ti pilak hanggan ti gintu ipinahaklup sa manga diyus-diyusan hampay gamitun waydi nida manga kalaban pamayad sa manga babayi baraydan sa kanda balay diyus.”

Binwat 7:41

Ati katpung binwat ngani nida kanda diyus-diyusan ga histuda ibun baka bag-u kanda ngani sinagdahan. May manga kapistahan sida hampay sambahun nida tunda pag diyus-diyusan imaw yi ngani kanda binwat.

Diyuturunumiyu 32:22

Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.