Husyas 8:13 - Hanunuu

¹³ Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 8:13 Iomraidhean Croise

Pag-ighit 20:3

“Danga kamu magsamba sa tuhay pag diyus purya sa kangku.

Pag-ighit 32:34

Paglakaw yi kawu, giyahi ti manga tawu atag sa pagsabihun niku sa kanmu pag rugar, giyahan kamu niku manga anghil. Dapat rumas-ug ti udas parusahan niku sida sa kanda manga kasalanan.”

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Isayas 1:11

Magkun siya, “Ud may kabuluhan sa kangku ti mayamu niyu handug. Sawa yi aku sa kanyu manga handug pagsunugun — manga karanidu hanggan taba manga hayup kanyu pinatabul. Balaw aku magbaya sa dugu manga tudu baka, manga karanidu, hanggan manga kambing.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Isikil 29:16

Unman yi gid mauman sumarig sa kanya ti nasakupan Israil sa Ihiptu. Ti nangyari sa Ihiptu manpaala-ala sa Israil sa kanda kasalanan sa paghagad awat sa Ihiptu. Bag-u maalaman manga Israilita aku, ti Panginuun Diyus.”

Husyas 11:5

Dapat dahil balaw nida gustu bumalik sa kangku, pihu bumalik sida sa Ihiptu, ag pangunahan sida Asirya.

Husyas 12:11

Dapat parargu diman gid ti manga taga Gilyad sa kanda manga buruwatun daut unman gid may pulus, bag-u ti nasakupan Gilgal maghandug manga tudu baka sa manga diyus-diyusan. Pihu gid dautun kanda manga harandugan ag bumaliw inda parihu sa manga tinumpuk batu bin-ul sa inaradu pag daga.

Husyas 4:9

Nakan nu kabitay niku parusahan ti nasakupan, parusahan diman niku kamu pag manga manughandug. Parusahan niku kamu dahil sa kanyu manga ugali; balusan niku kamu sa kanyu manga pagbuwatun.

Husyas 5:6

Mansagda kamu manga karanidu, manga kambing hanggan manga baka sa pagdangup sa kangku, dapat unman niyu malakawan kang kadayawan dahil binugyahan yi niku kamu.

Husyas 6:6

Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Husyas 7:2

Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

Husyas 9:6

Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Husyas 9:9

Masyadu yi gid kamu daut, parihu sa kaybi pag manga lalaki sa Gibiya. Alalahanun Diyus kanyu kadautan; parusahan niya kamu dahil sa kanyu manga kasalanan.”

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Amus 8:7

Nakan magsumpa ti Panginuun, ti Diyus pag-ipadayaw linahi ni Hakub, “Balaw gid niku malimtan ti tanan kadautan binuwat niyu.

Lukas 12:2

Unman may bagay milihim nu unman mihayag di gid aban. Unman may bagay mitagu nu unman mabulwat di aban.

1 Kurintu 11:20

Nu kamu magtiripun balaw mahimu kamu kumaun yapun Panginuun.

1 Kurintu 11:29

Ti magkaun tunda pag tinapay ag mag-inum sa ungut bag-u unman pagpahalagaan niya ti bilug Panginuun, kay ngap pagbutungun ti sintinsiya Diyus tag sa kay sadili bilug.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

Diyuturunumiyu 28:68

Pabalikun kamu Panginuun sa Ihiptu sakay sa barku, una nagtaratu siya sa kanyu unman yi gid kamu pabalikun ati. Ipabili niyu kanyu sadili sa kanyu kalaban bilang manga suruguun, dapat unman may mamili sa kanyu.”

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.