Husyas 8:1 - Hanunuu

¹ “Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Husyas 8:1 Iomraidhean Croise

2 Hari 18:27

Dapat nagsagut ti kumandir, “Sinugu aku niku amu kuntay ipaalam inda pag manga bagay sa tanan nasakupan Hirusalim, balaw lang sa kanyu ag sa kanyu hari. Kamu tanan lun-usun ag uwawun sa udas girahun nimi kamu. Nakan kan-un niyu kanyu ugat ag inmun niyu kanyu ihi.”

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 34:18

Ti manga may kangaranan sa Huda ag Hirusalim, ti manga kaawat sa balay hari, hanggan ti manga manughandug ag ti tanan nasakupan nagbuwat kasunduan sa kangku sa panab-anan paglakaw nida sa sinangsang ibun baka. Dapat unman nida tinupad kanda kasunduan sa kangku, nakan buwatun diman niku sa kanda ti binwat nida sa ibun baka.

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 48:40

Magkun waya ti Panginuun, “Bantayi niyu! Ti kalaban Muab ga agila maglayang hampay dagitun inda.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 51:27

Paabwatan ti bandira tanda sa paggira! Patunugan ti budyung sa manga nasyun! Ialistu sida hampay girahun ti Babilunya. Sugua man-gira ti manga sundalu sa Ararat, Mini ag Askinas. Pagpili kamu takinan hampay girahun ti Babilunya. Pagpadara kamu manga kabayu parihu kay kayamu sa manga apan.

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.

Isikil 11:4

Nakan anak tawu, pagbagaw kawu laban sa kanda.”

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 17:3

ag sabihi sida aku, ti Panginuun Diyus, ti magpatultul inda: May usa ka daka pag agila linmayang atabug sa Libanun. Malapad kay manga pakpak ag madamul kay manga bulbul tuhay-tuhay kay kulay. Inmapun inda sa tungud kayu sidru,

Isikil 7:14

Una waya ipatunug nida ti budyung sa pag-alistu sa tanan sa paglaban, unman may manguyug sa paglaban, dahil kang pangagalit malakawan tanan.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 5:8

“Patunuga ti manga budyung hanggan manga turumpita sa pagpasandam sa manga tawu sa Gibiya hanggan sa Rama! Padnugan ti ringgit kaguluhan sa Bit Abin! Nasakupan Binhamin, pagbantay kamu!

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Husyas 9:15

Magkun ti Panginuun, “Ti tanan kadautan niku nasakupan nag-umpisa sa Gilgal. Ati di waya kinagalitan yi niku sida. Ag dahil sa kanda kadautan, palayasun niku sida sa Israil kang pagbaliwun ulian. Balaw yi niku sida mahalun; ti tanan nida manga takinan naglaban sa kangku.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:15

“Uypun niyu ti budyung sa Siun hampay ipasandam sa manga tawu kuntay pagtipun sida ag danga maghandum karan-unun.

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Amus 8:3

Sa tunda pag sirang, ti masulung pag karantahan sa Balay Diyus bumaliw lulumian dahil mayamu manga namatay ti magkarawayak una naan. Bag-u unman yi gid may masaydan iringayan. Aku, ti Panginuun Diyus, ti magsabi inda.”

Amus 9:1

Magkun si Amus, “Nakitan niku ti Panginuun matindugan sa may handugan ag magkun siya, ‘Hampaka ti suru manga tulduk Balay Diyus hampay marup-ag kay bubungan ag madugsakan ti manga tawu. Ti masawad buhi sa kanda mamatay di sa girahan. Una di usa sa kanda unman may makapalagiw ngatay makaribri.

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Sipanyas 1:16

bag-u madnugan ti tunug manga budyung ag ti paragritan manga sundalu maggira sa may alad batu pag manga banwa hanggan sa manga bantayaw nida.

Sakaryas 11:1

Kamu pag manga mag-uli sa Libanun, bukasi niyu ti manga sabian niyu banwa hampay makasulud ti apuy umirub sa manga puun kayu sidru niyu.

Sakaryas 9:14

Pumakakit ti Panginuun sa tungud niya nasakupan. Mangislap kay ugyung parihu sa kilat. Patunugun Panginuun Diyus ti budyung, ag rumas-ug siya kaibahan bagyu ginan sa kanaway.

Matiyu 24:28

“Nu naan ti may buyuk, ati diman waydi pag magkatigsun ti manga uwak.”

1 Kurintu 15:52

bigla, unman mapidpirawan mata, sa katapusan pag budyung. Dahil tumunug ti budyung bag-u ti manga namatay buhiun uman udyi may karunutan, ag kita bag-uhun waydi.

Diyuturunumiyu 28:49

“Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.