Husyas 7:7 - Hanunuu

⁷ Sida tanan maglabdab gid sa pangagalit parihu sa mainit pag hurnu, nakan minatay nida kanda manga takinan. Nidamhak ti tanan nida manga hari, dapat unman gid una di usa sa kanda ti nanhagad awat sa kangku.

Husyas 7:7 Iomraidhean Croise

1 Hari 15:28

Kay pagmatay ni Baasa sa kan Nadab nangyari katpung ikatlu pag timpu sa kay maghari ni Asa sa Huda. Ag si Baasa ti nag-ilis sa kan Nadab bilang hari.

1 Hari 16:18

Pagka nakitan ni Simri magkaagaw yi ti banwa, inmatag siya sa marig-un pag bahagi balay hari ag inirub niya kay sangput inda, nakan namatay siya.

1 Hari 16:22

Dapat mas mabisug ti manga magpabliwa sa kan Umri kaysa manga magpabliwa sa kan Tibni kay anak ni Ginat. Namatay si Tibni, ag si Umri ti naghari.

2 Hari 10:14

Sinugu ni Hihu kay manga tawuhan, “Daran-a sida buhi.” Nakan dinara ngani nida sida buhi sa usa ka bubun ati, ag pinanmatay nida sida — 42 sida tanan. Unman gid may sinawadan buhi si Hihu sa kanda.

2 Hari 10:7

Igu rinmas-ug ti surat ni Hihu, bin-ul nida ti 70 ka linahi hari ag minatay. Bag-u isinukad nida ti manga ulu sa manga baskit ag ipinadara sa kan Hihu sa Hisriil.

2 Hari 15:10

Taynguna, naggayak daut si Salum kay anak ni Habis laban sa kan Sakaryas. Minatay niya si Sakaryas sa atubangan manga tawu, ag inublusan niya sa pagka hari.

2 Hari 15:14

Dahil rinmas-ug si Minahim kay anak ni Gadi sa Samarya ginan sa Tirsa, minatay niya si Salum. Bag-u siya ti nag-ublus sa pagka hari.

2 Hari 15:25

Taynguna, naggayak daut si Pika kay anak ni Rimalya laban sa kan Pikaya. Tunda si Pika imaw ti kumandir manga sundalu ni Pikaya. Kaibahan sa 50 ka tawu sa Gilyad, minatay ni Pika si Pikaya hanggan si Argub ag si Aryi, ati sa may mapag-un pag bahagi balay hari sa Samarya. Ag inublusan ni Pika si Pikaya sa kay pagka hari.

2 Hari 15:30

Rargu naggayak daut si Husyas kay anak ni Ila laban sa kan Pika kay anak ni Rimalya. Minatay niya si Pika ag inublusan sa kay pagka hari. Nangyari inda pagka ika-20 pag timpu kay maghari ni Hutam, kay anak ni Usyas, sa Huda.

2 Hari 9:24

Bin-ul ni Hihu kay pamana ag pinana si Huram sa dayu. Linmapus ti pamana sa kay pusu, ag nalagpak siya sa kay kalisa.

2 Hari 9:33

Magsabi si Hihu sa kanda, “Lagpakan niyu siya!” Nakan ilinagpak ngani nida si Hisibil. Kay manga dugu nagtaramsig sa alad batu hanggan sa manga kabayu, bag-u tinatatataan siya manga kabayu ni Hihu.

Hub 36:13

Ti manga balaw maka-diyus maghamnu galit sa kanda tagipusuun, ag una pagparusahan sida Diyus, unman sida maghagad awat sa kanya.

Kanta 14:4

Unman aw lugud alam inda pag daut manga tawu sa kanda pagbuwatun? Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Panginuun.

Isayas 43:22

“Dapat unman kawu naghagad awat sa kangku, Israil, nagbugya yi ngap kawu sa kangku.

Isayas 64:4

Ginan kaybi hanggan taynguna unman may nakadnug ngatay nakakit sa Diyus parihu sa kanmu mag-awat sa manga magsarig sa kanya.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Isikil 22:30

“Nanhanap aku usa ka tawu mamauli alad batu banwa ag makaapin sa banwa hanggan makatindug sa tab-anan niku ag sa manga tawu hampay balaw niku dautun inda pag banwa, dapat unman aku may nakitan.

Danyil 9:13

Nagras-ug inda pag parusa sa kanmi angay sa nisurat sa Kasuguan ni Muysis. Lang madi katida ti nangyari, Panginuun nimi Diyus, balaw nimi sinikap makabaya kawu sa kanmi sa panab-anan pagpatlikud sa kanmi manga kasalanan ag ti pagkilala sa kanmu katutuuhanan.

Husyas 13:10

Taynguna naan kanyu hari hanggan manga takinan sa kanyu banwa ti manribri sa kanyu? Naan yi ti hari hanggan ti manga takinan niyu hinagad sa kangku? Dahil sa kang pangagalit ipinakaun niku inda sa kanyu, ag dahil diman sa kang pangagalit bin-ul niku sida.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Husyas 7:10

Kanda magpadayaw-dayaw ti magpatutuu dapat sida parusahan. Lang madi nangyari inda tanan sa kanda, unman gid sida nagbalik ag nagdangup sa kangku, ti Panginuun kanda Diyus.

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Husyas 8:4

Nagpili sida manga hari hanggan manga manugpamahala balaw niku pinili. Nagbuwat sida manga diyus-diyusan ginan sa kanda manga pilak ag gintu. Ag inda pag manga diyus-diyusan imaw ti nagdara kadamhakan sa kanda.

Mikas 2:1

Kaawaawa kamu pag manga magpuyat para lang gumayak daut. Pagka surip pagbuwatun niyu kanyu gayak daut dahil may kakayahan kamu bumuwat tunda.