Husyas 7:2 - Hanunuu

² Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

Husyas 7:2 Iomraidhean Croise

Hub 34:21

Pagbantayan gid Diyus ti tanan pagbuwatun tawu.

Kanta 10:11

Kanda isip unman sida pagpansinun Diyus ag unman mag-akitan kanda manga pagbuwatun.

Kanta 25:7

Danga yi pag-alalahana ti manga nabwat niku kasalanan katpung anak waya aku. Panginuun, angay sa kanmu pagmahal alalahana aku, hampay maipakakit nimu kanmu kaayadan.

Kanta 50:22

Patingihi niyu inda, kamu pag manga magkalimut sa Diyus, dahil nu unman, rurisun niku kamu ag unman may rumibri sa kanyu.

Kanta 9:16

Napaburayhaw ti Panginuun nu si unu gid siya sa panab-anan pagsintinsiya niya matadlung, ag ti daut ngap pag manga tawu ti nidamhak sa kanda daut pag manga pagbuwatun.

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 26:16

Panginuun, pinarusahan nimu kanmu manga nasakupan, sa kanda manga kakurian nandangup ag nanawag sida sa kanmu.

Isayas 44:19

Unman may makabaya magsabi, “Ipinagba niku ti iba ka manga kayu, bag-u nantama aku karan-unun hanggan nansugba taguban siyun sa kay baga, bag-u kang kinaun. Taynguna buwatun aw niku mayagting pag bagay ti nasawad pag kayu? Sambahun aw niku ti usa ka pulud kayu?”

Isayas 5:12

May manga patunug waya kamu hanggan manga intus sa kanyu manga karan-an. Dapat balaw niyu pag-intindihun ti pagbuwatun Panginuun.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 17:1

Magkun ti Panginuun, “Manga taga Huda, nakaukit sa maganit niyu tagipusuun kanyu manga kasalanan ga manga bagaw nakaukit sa batu ngatay sa sungay ati sa suuk manga harandugan niyu.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Hirimyas 44:21

“Kanyu aw hantup balaw alam ti Panginuun kuntay kamu hanggan kanyu manga kaumputan, hanggan kanyu manga hari ag manga takinan, ag ti tanan manga nasakupan nagsunug kamangyan sa manga diyus-diyusan sa manga banwa sa Huda ag sa manga baklayan sa Hirusalim?

Isikil 21:29

Balaw tutuu ti manga ipinakakit ag manga hula kanyu nasaydan tungkul sa baladaw. Kay tutuu, alistu yi ti baladaw sa pagpulud liug manga daut pag tawu. Ti udas pagparusa sa kanda nagras-ug yi.

Husyas 12:2

Magkun si Husyas, “May pariga ti Panginuun laban sa manga taga Huda pag linahi ni Hakub. Parusahan niya sida angay sa kanda manga ugali; balusan niya sida angay sa kanda manga buwat.

Husyas 4:9

Nakan nu kabitay niku parusahan ti nasakupan, parusahan diman niku kamu pag manga manughandug. Parusahan niku kamu dahil sa kanyu manga ugali; balusan niku kamu sa kanyu manga pagbuwatun.

Husyas 6:2

Parihu kita sa namatay kay buhiun uman. Balaw dumugay bangunun niya kita, ag mangabuhi kita sa kay atubangan.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 9:15

Magkun ti Panginuun, “Ti tanan kadautan niku nasakupan nag-umpisa sa Gilgal. Ati di waya kinagalitan yi niku sida. Ag dahil sa kanda kadautan, palayasun niku sida sa Israil kang pagbaliwun ulian. Balaw yi niku sida mahalun; ti tanan nida manga takinan naglaban sa kangku.

Husyas 9:9

Masyadu yi gid kamu daut, parihu sa kaybi pag manga lalaki sa Gibiya. Alalahanun Diyus kanyu kadautan; parusahan niya kamu dahil sa kanyu manga kasalanan.”

Amus 8:7

Nakan magsumpa ti Panginuun, ti Diyus pag-ipadayaw linahi ni Hakub, “Balaw gid niku malimtan ti tanan kadautan binuwat niyu.

Hunas 1:2

“Pag-ati kawu kainda sa Ninibi, ti daka pag banwa, bag-u pasandami ti manga tawu ati, dahil aput yi sa kangku kanda kadautan.”

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.

Lukas 12:2

Unman may bagay milihim nu unman mihayag di gid aban. Unman may bagay mitagu nu unman mabulwat di aban.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

Diyuturunumiyu 32:29

Nu madunung lang sida, masalman mana nida kanda patabgan.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.