Husyas 7:16 - Hanunuu

¹⁶ Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Husyas 7:16 Iomraidhean Croise

Kanta 12:3

Panginuun, mana paapasun yi nimu ti palabi-labihun hanggan ti marapaumang.

Kanta 12:4

Magkun sida, “Sa panab-anan nimi manga baragawun manalu kami. Pagustu kami una hintay kanmi bagawun, unman may makaampara sa kanmi.”

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 17:10

Unman sida may pangaawa, ag palabi-labihun nu magbagaw.

Kanta 52:2

Maggayak kamu ipadamhak ti iba. Kanyu dila parihu sa matarum pag siyaw. Ti magpandaya imaw kanyu pagbuwatun.

Kanta 57:4

Pagsangputun aku manga kalaban parihu sa manga liyun alistu tumukub. Kanda manga ngipun manga bangkaw hanggan manga ugyung. Kanda manga dila manga matarum pag manga baladaw.

Kanta 73:9

Magbagaw sida daut sa Diyus sa langit hanggan sa manga tawu sa kalibutan.

Kanta 78:37

Balaw sida matinupadun sa kanya; balaw sida tapat sa kanda kasunduan sa kanya.

Kanta 78:57

Nagpakarayu sida ag nagpudil sa Diyus parihu sa kanda manga ginurang. Balaw sida masarigan parihu sa daut pag ugyung.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 3:10

Ag ti pinakadaut waya, balaw buluntad nagbalik sa kangku ti maradaya pag Huda. Pabalhingu lang siya kuntay magbalik sa kangku. Aku, ti Panginuun, ti magsabi inda.”

Hirimyas 42:18

“Inda waya ti pagsabihun Panginuun Makamaskihan, ti Diyus Israil, ‘Nu kabitay niku ipaagum sa manga taga Hirusalim ti masyadu niku pag pangagalit, ipaagum diman niku sa kanyu ti pangagalit niku nu atabug kamu sa Ihiptu. Saadan ag kagalitan kamu manga tawu. Puyaan nida kamu ag baliwun daut, ag udyi kamu makabalik waya sa inda pag daga.’

Isikil 23:32

“Hu, aku, ti Panginuun Diyus, magbagaw parusahan niku kawu parihu sa kang pagparusa sa kanmu patar-ari babayi. Kang parusa parihu sa irinmun sa ungut daka ag abasad. Bag-u nu mainum yi nimu inda pag ungut punu kang pangagalit, puyaan bag-u surugun kawu.

Isikil 36:20

Una naan tag sida pag umatag pag manga nasyun, mag-ipakay-a kang banal pag ngaran. Dahil magkun ti manga tawu, ‘Manga nasakupan sida Panginuun, dapat pinaighit niya sida sa kay daga.’

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Husyas 11:5

Dapat dahil balaw nida gustu bumalik sa kangku, pihu bumalik sida sa Ihiptu, ag pangunahan sida Asirya.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Husyas 7:13

Kaawaawa sida dahil napakarayu sida sa kangku. Rurisun niku sida dahil naglaban sida sa kangku. Gustu mana niku iribri sida, dapat magbagaw sida kapudilan tungkul sa kangku.

Husyas 9:3

Umighit kamu ginan sa Israil, sa daga Panginuun, ag bumalik kamu sa Ihiptu. Ti iba sa kanyu atabug sa Asirya, mangaun kamu ati manga karan-unun pagbaliwun niyu mag-uring.

Husyas 9:4

Balaw yi kamu pasnuan maghandug intus sa Panginuun. Kanyu manga handug unman makapasulung sa kanya. Una si unu ti kumaun inda pag manga handug ipaparihu sa mauring, dahil tunda parihu lang sa karan-unun sa balay namatyan. Kanyu manga karan-unun para lang sa kanyu sadili; balaw inda mahimu maisagda sa Balay Panginuun.

Husyas 9:6

Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Malakyas 3:13

Magkun waya sa kanda ti Panginuun, “Marasakit kanyu pinamagaw tungkul sa kangku. Dapat magpaingana waya kamu, ‘Unu lugud ti pagsabihun nimi tungkul sa kanmu?’

Malakyas 3:14

Magkun kamu, ‘Unman may kabuluhan ti magsirbi sa Diyus. Unu lugud kanta matanggap nu tupadun nita kay manga pag-ipabuwat sa kanta? Ag unu kanta matanggap nu manlakaw kita may karukuan sa pagpakakit sa Panginuun Makamaskihan kuntay mag-ampu kita sa kanta manga kasalanan?

Matiyu 12:36

“Pagsabihun niku sa kanyu nu kaudasan sintinsiya aban may kapanagutan ti manga tawu sa kada bagaw kay binagaw unman may kabuluhan.

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Santiyagu 3:5

Katunda diman hanggan ti dila tawu, madi diit lang pag gamit nita bilug, dapat subra kay magkabuwat pag padayaw-dayaw. Isipa lang niyu. Ginan lang sa alimpatu pag nanlalangyaban sa katalunan.

2 Pidru 2:8

Tunda ngani matadlung pag tawu ati pag nangulian sa kanda karaw-an sirang-sirang. Subra ungud kay ruku sa kay matadlung pag tagipusuun pagka nakitan ag nadnugan niya kanda magkagumun sa magbuwat kadautan.

Ipinakakit 13:5

Pinahintulutan ti hayup malangas hampay magbagaw masyadu pag lapastangan laban sa Diyus ag pinakan-an siya karampatan hampay makabuwat kay buruwatun sa sulud upatpulu may duwa ka bulan.