Husyas 7:13 - Hanunuu

¹³ Kaawaawa sida dahil napakarayu sida sa kangku. Rurisun niku sida dahil naglaban sida sa kangku. Gustu mana niku iribri sida, dapat magbagaw sida kapudilan tungkul sa kangku.

Husyas 7:13 Iomraidhean Croise

Nihimyas 1:10

“Kami kanmu manga manugsirbi ag nasakupan kanmu irinibri sa panab-anan nimu kamaskihan ag kabisugan.

Hub 22:17

Nagbagaw sida sa Makamaskihan Diyus, ‘Pabay-ani lang kami! Unu lugud kanmu mabuwat para sa kanmi?’

Kanta 106:10

Irinibri niya sida sa kamang manga kalaban.

Isayas 30:1

Magkun ti Panginuun, “Kaawaawa kang manga anak supakil. Magbuwat sida manga gayak balaw angay sa kang nalub-anan. Magtaratu sida balaw niku pagpasnuan. Nakan lalu di magkadugangan kanda kasalanan.

Isayas 30:2

Nag-atag sida sa Ihiptu hampay manhagad panagang sa hari, unman yi nagpaingana sa kangku.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 42:20

Balaw mayad ti binuwat niyu. Hinagad niyu sa kangku kuntay pumakarani sa Panginuun sa kanyu Diyus ag mandarangin para sa kanyu bag-u magsabi buwatun niyu ti tanan sabihun niya.

Hirimyas 51:9

Magkun ti manga Israilita mag-ulian ati, “Binulung nimi ti Babilunya dapat unman yi siya nabulung. Pabay-anan yi lang nita siya, muli yi kita sa kanta manga rugar. Dahil tugka yi sa langit kay kadautan nakan parusahan yi siya Panginuun.

Hirimyas 7:15

Kamu palayasun niku ginan sa kang atubangan parihu sa binwat niku sa manga katawuhan niyu, ti nasakupan Israil.’

Karukuan 5:16

Udyi kanmi kadayawan. Kaawaawa kami, dahil nagsalan kami.

Isikil 16:23

“ ‘Aku, ti Panginuun Diyus, magbagaw magkun kaawaawa gid kawu! Bukud sitay pag kadautan kanmu binwat,

Isikil 18:2

“Hayga nguna pagbagawun niyu inda pag kabagawan sa Israil: ‘Nagkaun kay gurang maaslum pag ubas, ag kay aslum inda masamitan hanggan nida manga anak?’

Isikil 18:25

“Dapat barang sumabi kamu, ‘Balaw matadlung ti palakaw Panginuun.’ Pagpatingi kamu, nasakupan Israil: Kangku aw nguna pagpalakaw ti balaw matadlung ngatay kanyu?

Isikil 34:6

Nagtinalalang kang manga karanidu sa manga bantud. Nagkarawayak sida sa buu kalibutan, ag unman gid may nagligaw sa kanda.

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Husyas 7:1

Gustu mana niku paayadun ti manga taga Israil. Dapat kadautan ti mag-akitan niku sa kanda. Magdaya sida, magsaka sa manga balay ag magtakaw, hanggan magtulis sa manga dalan.

Husyas 7:3

Napasulung nida kanda hari hanggan manga takinan sa panab-anan nida kadautan ag kapudilan.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Husyas 9:17

Magkun si Husyas, “Bugyahan niku Diyus ti manga taga Israil dahil unman sida magsunud sa kanya. Nakan mawatak sida sa tuhay-tuhay pag nasyun.”

Hunas 1:10

Tutuu gid nadala ti manga manugpasigu sa barku dahil itinultul yi ni Hunas sa kanda kuntay napatagu siya sa Panginuun. Magkun sida sa kanya, “Balaw mayad kanmu binwat.”

Hunas 1:3

Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Mikas 6:12

Maapi-api kanyu mayaman pag manga tawu, ag manga pudilun kamu.

Mikas 6:4

Ipinalwas waya ngani niku kamu sa Ihiptu, nu naan kamu pag binwat panawuhun. Pinili niku sida ni Muysis, ni Aarun, ag ni Miryam hampay giyahan kamu.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

1 Huwan 1:10

Nu kanta pagsabihun kita unman may kasalanan, kanta pagbangdanan ti Diyus pudilun ag kay Bagaw Diyus unman waydi mangulian sa kanta.

Ipinakakit 8:13

Bag-u nakitan niku ti usa ka agila maglayang sa tungud. Nadnugan niku siya nagbagaw daka magkun, “Masyadu yi lang madala ti malakawan tanan tawu magkabuhi sa babaw daga sa tunug manga budyung nu uypun tulu waya ka anghil.”