Husyas 7:11 - Hanunuu

¹¹ Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 7:11 Iomraidhean Croise

2 Hari 15:19

Taynguna, nag-atag si Hari Tiglat Pilisir taga Asirya sa Israil hampay man-gira. Pinakan-an ni Minahim si Tiglat Pilisir manga 35 ka tunilada pilak hampay awatan siya ni Tiglat Pilisir rumig-un waya gid kay maghari.

2 Hari 16:7

Nagsugu si Akas manga manugbarita agud ibarita ti kaindaay pag tultulanun sa kan Hari Tiglat Pilisir taga Asirya: “Aku kanmu suruguun, ribrihan nimu aku sa kamang hari Aram ag sa hari Israil magpan-gira sa kangku.”

Kabagawan 15:32

Pag-ipadamhak tawu kay sadili nu unman niya pagpatingihan ti pagtamyaw sa kay ugali, dapat nu magpatingi siya, magkaimaw siya pan-intindi.

Kabagawan 17:16

Unman may pulus ti paggastus sa pagpaadal sa kurang kay intindi pag tawu dahil balaw waydi niya gustu dumunung.

Kabagawan 6:32

Ti tawu mag-ulid sa asawa iba unman may intindi. Pagdautun lang niya kay sadili.

Hirimyas 2:18

Taynguna, hintay ti nab-ul niyu sa kanyu nagpakarani sa Ihiptu hanggan sa Asirya? Hayga kamu nag-atag sa Sapa Nilu ag Sapa Iyupratis?

Hirimyas 2:36

“Madali lang sa kanyu ti magpailis-ilis manga kakampi pag nasyun. Dapat pakay-ahun gid kamu manga taga Ihiptu kanyu kakampi, parihu sa pagpakay-a Asirya sa kanyu.

Husyas 11:11

Rumas-ug kamu madali parihu sa manga manuk maglayang sa tungud ginan sa Ihiptu ngatay parihu sa manga kalampati ginan sa Asirya. Pauliun maan niku kamu sa kanyu manga balay. Aku, ti Panginuun, ti magsabi inda.”

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 12:2

Magkun si Husyas, “May pariga ti Panginuun laban sa manga taga Huda pag linahi ni Hakub. Parusahan niya sida angay sa kanda manga ugali; balusan niya sida angay sa kanda manga buwat.

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Husyas 4:11

agud sambahun ti manga diyus-diyusan. “Manga nasakupan niku, ti bag-u ag ti daan pag intus magdaut kanyu mayad pag pan-unawa.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 9:3

Umighit kamu ginan sa Israil, sa daga Panginuun, ag bumalik kamu sa Ihiptu. Ti iba sa kanyu atabug sa Asirya, mangaun kamu ati manga karan-unun pagbaliwun niyu mag-uring.

Husyas 9:6

Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Ubadyas 1:7

Lukuhun kamu niyu manga kakampi pag nasyun. Ti manga nag-ampud sa kanyu imaw diman ti gumira sa kanyu, ag palayasun nida kamu sa kanyu banwa. Sida pag manga nansaru sa kanyu imaw waya ti pumauli suduk sa lihim laban sa kanyu.

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.