Husyas 7:1 - Hanunuu

¹ Gustu mana niku paayadun ti manga taga Israil. Dapat kadautan ti mag-akitan niku sa kanda. Magdaya sida, magsaka sa manga balay ag magtakaw, hanggan magtulis sa manga dalan.

Husyas 7:1 Iomraidhean Croise

Isayas 28:1

Kaawaawa ti Samarya, parihu sa sangbaw busang kayu kadayawan manga manuglangu pag takinan manga taga Israil. Ti banwa Samarya sa maabunda pag karatagan, dapat kay karinuan madura parihu sa busang magkarubay.

Isayas 59:12

Dahil masyadu yi mayamu kanta manga kasalanan sa Diyus imaw ti puruyba kuntay kailangan maparusahan kita. Pihu alam diman waydi nita magbuwat kita kadautan.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Isayas 59:14

Imaw ti singyanan nakan udwaya pagsintinsiyahan Diyus kanta manga kalaban ag udwaya kita pagpakan-an panalu may katadlungan. Dahil udyi mag-akitan ti katutuuhanan una naan, ag ti manga tawu balaw yi masarigan.

Hirimyas 51:9

Magkun ti manga Israilita mag-ulian ati, “Binulung nimi ti Babilunya dapat unman yi siya nabulung. Pabay-anan yi lang nita siya, muli yi kita sa kanta manga rugar. Dahil tugka yi sa langit kay kadautan nakan parusahan yi siya Panginuun.

Isikil 16:46

Ti aka nimu babayi imaw ti Samarya ati pag mag-uli sa salatan kaibahan kay manga anak babayi. Kanmu arian babayi imaw ti Suduma, ati mag-uli sa kanaway kaibahan kay manga anak babayi.

Isikil 23:4

Kay ngaran panganay si Uhula, ag kay arian si Uhuliba. Inasawa niku sida duwa ag may manga anak kami. Si Uhula ti Samarya, ag si Uhuliba ti Hirusalim.

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Husyas 10:5

“Madala ti manga nasakupan Samarya dahil madura ti manga diyus-diyusan dumaraga baka sa Bit Abin. Sida hanggan kanda manga manughandug magbaya sa marinu nida pag manga diyus-diyusan manrukuan gid dahil bul-un tunda sa kanda

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 12:2

Magkun si Husyas, “May pariga ti Panginuun laban sa manga taga Huda pag linahi ni Hakub. Parusahan niya sida angay sa kanda manga ugali; balusan niya sida angay sa kanda manga buwat.

Husyas 4:17

Nalagum yi sida sa manga diyus-diyusan. Pabay-ani yi lang sida!

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Husyas 7:13

Kaawaawa sida dahil napakarayu sida sa kangku. Rurisun niku sida dahil naglaban sida sa kangku. Gustu mana niku iribri sida, dapat magbagaw sida kapudilan tungkul sa kangku.

Husyas 8:5

Pagdayuun niku ti diyus-diyusan baka manga taga Samarya. Magsiklab kang galit sa kanda. Kapira waya nguna sida pag mangabuhi malumpiyu?

Husyas 8:9

Parihu siya sa talun asnu usa-usa, magtalang. Nanhagad awat siya sa Asirya; binayadan niya ti iba ka manga nasyun hampay awatan siya.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Amus 3:9

Sabihun niyu sa manga takinan mag-ulian sa mapag-un pag bahagi Asdud hanggan Ihiptu kuntay pagtipun sida sa manga tagudtud sa palibut Samarya, bag-u bantayi nida ti magpangyari kaguluhan sa inda pag banwa hanggan ti pag-unuunu sa kay manga nasakupan.

Amus 8:14

Kamu pag manga magsumpa sa ngaran manga diyus-diyusan Samarya, Dan hanggan Biirsiba, rurisun kamu ag balaw yi kamu makabangun.”

Mikas 6:16

Matupad inda sa kanyu dahil sinunud niyu ti balaw mayad pag buwat, manga surundanun, ag manga patigayun ni Hari Umri hanggan niya anak si Hari Akab. Nakan ipadamhak niku kamu; unu-unuhun kamu ag puyaan iba manga nasyun.”

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.

Lukas 19:42

magkun, “Nu nasalman lang nimu taynguna nu hintay kanmu kailangan hampay may kahusayan. Dapat taynguna unman ngap nakilala nimu.