Husyas 6:7 - Hanunuu

⁷ Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Husyas 6:7 Iomraidhean Croise

Gimpuunan 3:11

Nagpaingana ti Panginuun Diyus, “Si unu tig sabi sa kanmu kuntay uba kawu? Kinmaun aw lugud kawu burak kayu kang ibinilin sa kanmu danga pag kan-a?”

Gimpuunan 3:6

Pagka binantayan babayi ti puun kayu, marinu katna tunda bantayun ag mayad kan-un kay burak, dahil sa magkaibug siya dumunung, pinmuti yi ngani siya burak kayu ag kay kinaun. Kay diman waydi pinakan-an kay asawa, kinmaun diman waydi.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

Hub 31:33

Balaw niku pag-ipaulam kang manga kasalanan parihu sa pagbuwatun iba.

Isayas 24:16

Madnugan ti karantahan una naan katpung sa kalibutan, “Dayawun ti matadlung pag Diyus.” Dapat kaawaawa aku. Magpanlumuy aku! Dahil parargu ti magpandaya manga tawu maradaya.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Hirimyas 3:7

Kang hantup, nu mabuwat yi inda tanan, bumalik yi siya sa kangku, dapat unman siya binmalik. Ag nakitan inda niya maradaya pag patar-ari balaw may iba nu unman ti Huda.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 34:18

Ti manga may kangaranan sa Huda ag Hirusalim, ti manga kaawat sa balay hari, hanggan ti manga manughandug ag ti tanan nasakupan nagbuwat kasunduan sa kangku sa panab-anan paglakaw nida sa sinangsang ibun baka. Dapat unman nida tinupad kanda kasunduan sa kangku, nakan buwatun diman niku sa kanda ti binwat nida sa ibun baka.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Ruma 5:14

Madi katida, hinmari diman waydi ti kamatayan sa tanan manga tawu ginan sa kan Adam pag kaudasan hanggan tugka sa kan Muysis pag kaudasan, madi kanda kasalanan balaw parihu sa kan Adam naglabag sa kasuguan Diyus. Si Adam kay pinagkaaninu sa kay pagras-ug ni Kiristu.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Hibriyu 8:9

Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”