Husyas 6:6 - Hanunuu

⁶ Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Husyas 6:6 Iomraidhean Croise

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

Kanta 50:8

Unman niku kamu pagsungyawun sa kanyu manga maghandug, sa kanyu pirmi pag-isagda pag manga handug pagsunugun.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Manugtudlu 5:1

Pag-aman kawu sa kanmu pagbuwatun nu atag kawu sa Balay Diyus. Mas mayad umati kawu alistu sumunud sa Diyus, kaysa manhandug parihu sa handug usa ka unman may kabuluhan pag tawu unman alam nu hintay ti mayad ag ti daut.

Isayas 1:11

Magkun siya, “Ud may kabuluhan sa kangku ti mayamu niyu handug. Sawa yi aku sa kanyu manga handug pagsunugun — manga karanidu hanggan taba manga hayup kanyu pinatabul. Balaw aku magbaya sa dugu manga tudu baka, manga karanidu, hanggan manga kambing.

Isayas 58:6

Ti makapasulung sa kangku pag unman maghandum karan-unun tunda may kaibahan mayad pag ugali. Apasi niyu ti pagbuwat kadautan, ugalia niyu ti katadlungan, pakan-i kaariwayahan ti manga pag-api-apihun ag awati ti manga paglugihun.

Hirimyas 22:16

Inapinan niya ti karampatan manga pugri hanggan ti manga magpangailangan, nakan nagbaliw mayad ti tanan para sa kanya. Katunda ti kang-ud pag magkilala sa kangku.

Hirimyas 7:22

Pagka ipinalwas niku sa Ihiptu kanyu manga ginurang, bukun lang niku sinugu sida pagsagda manga handug pagsunugun ag iba waya pag manga handug,

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Amus 5:21

“Pagkadat-an gid niku kanyu manga kapistahan; unman gid aku magbaya sa kanyu pagbuwatun pag tiripun.

Mikas 6:6

Sinmagut ti usa ka Israilita, “Unu ti ihandug niku sa Panginuun, ti Diyus sa langit, nu mansamba aku sa kanya? Mansagda aw aku ibun baka bilang handug pagsunugun?

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Matiyu 12:7

Nu maintindihan lang niyu inda pag Bagaw Diyus magkun, ‘Kang gustu pagmaawaun kamu, ag balaw kailangan niku kanyu hayup kanyu matyun ihandug sa kangku,’ balaw mana niyu sabihun may kasalanan ti unman nagkasala.

Matiyu 5:7

Papaladan Diyus ti manga maawaun, dahil sida aban ti kaawaan Diyus.

Matiyu 9:13

Paglakaw yi kamu, isipun niyu inda kay pagkumnun Diyus, ‘Kang gustu pagmaawaun kamu ag balaw kanyu handug.’ Nagsitay aku hampay butungun ti manga makasalanan, balaw ti manga matadlung.”

Markus 12:33

Nu ilubus tawu kay tagipusuun, kay pag-iisip hanggan kay kabisugan sa kay pagmahal sa Panginuun ag nu ti tawu may pagmahal sa kay kaparihu tawu ga kay diman pagmahal sa kay sadili, tunda subra man mahalaga sa tanan hayup pagsunugun handug sa Panginuun hanggan sa iba waya manga handug sa Diyus.”

1 Huwan 2:3

Nu tupadun nita kay manga sugu, pihu masabi nita siya kanta pagkilalan-un.

1 Huwan 3:6

Una hintay pag tawu nu unman magpablag sa kan Kiristu, unman magpadayun sa kasalanan. Tigpadayun sa kasalanan, udwaya gid nakakit sa kan Kiristu, unman waya hanggan nakakilala sa kanya.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.