Husyas 6:1 - Hanunuu

¹ Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Husyas 6:1 Iomraidhean Croise

2 Krunika 30:6

Sa sugu hari, nag-atag ngani ti manga manugbarita sa buu Israil ag Huda dara ti manga surat ginan sa hari ag sa kay manga may kangaranan. Inda ti nakasurat: “Manga nasakupan Israil, taynguna nakaribri kamu sa kamang manga hari sa Asirya, udas yi bumalik-nalub-anan kamu sa Panginuun, ti Diyus niyu manga ginurang nida ni Abraham, Isaak, ag Hakub, hampay bumalik diman siya sa kanyu.

Hub 16:9

Sa kanmu pangagalit, Diyus, linabanan nimu aku. Ga maisug kawu pag hayup magbang-it sa kang nayi. Pagpaagrutan aku nimu ngipun ag pagturunun masakit ga kalaban nimu aku.

Hub 22:23

Nu bumalik kawu sa Makamaskihan Diyus ag bul-un ti kadautan sa kanmu buu magtal-anakan, ibalik niya kanmu mayad pag kahamtangan.

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Hub 5:18

Dahil kay manga pagbiyagan kay di maan pagbulungun.

Kanta 6:2

Kaawai aku ag paayada, dahil magpanlumuy yi aku.

Kanta 71:20

Una pag-ipalakaw nimu aku sa mayamu pag manga pag-agwanta, pakan-an maan nimu aku bag-u pag buhi; ga sa parihu aku sa namatay buhiun di maan nimu.

Manugtudlu 3:3

may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Isayas 17:7

Sa ati pag sirang, pumakarani yi ti tawu sa naglalang sa kanda, sa Banal pag Diyus Israil.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 30:12

Magkun waya ti Panginuun sa kay manga nasakupan, “Ungud dilikadu yi kanyu manga biyag ag balaw yi umayad. Udyi may makaawat ngatay makabulung sa kanyu. Udyi diman may bulung para sa kanyu.

Hirimyas 30:17

Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 33:5

suldun diman inda manga taga Babilunya. Mayamu ti mamatay sa inda pag banwa dahil wayakun niku inda sa kang masyadu pag pangagalit sa kanyu. Pagdayuun niku inda pag banwa dahil sa kay kadautan nida.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Hirimyas 50:4

“Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Karukuan 3:11

Ginuyud niya aku pakarayu sa lalakawan, bag-u ginutay-gutay ag pinabay-anan.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Libitiku 14:48

Dapat nu balaw yi binmalik ti kalmu sa paghimalad manughandug sa balay igu pinakputan pamalitis ti bahagi manga lingub kinalmu, ipaalam manughandug kuntay malumpiyu yi ti balay dahil nadura yi kay kalmu.

Sipanyas 2:1

Magkun si Sipanyas sa manga taga Huda, “Nasyun unman may kakay-ahan, pagtirip-nan kamu ag pag-ampu

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

1 Samwil 2:6

Panginuun ti may kapangyarihan pumakaun ngatay bumawi sa arup tawu. Siya ti may kapangyarihan pumauli ngatay bum-ul sa kanda ati sa rugar manga namatay.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”