Husyas 5:9 - Hanunuu

⁹ Midamhak ti Israil sa sirang pagparusa. Mangyari gid kang pagsabihun laban sa manga linahi Israil!

Husyas 5:9 Iomraidhean Croise

Hub 12:14

Unman may makahiwat sa kay dinaut, ag unman may makapalwas sa kay pinirisu.

Isayas 37:3

Pagka rinmas-ug sida sa kan Isayas, magkun sida sa kanya, “Inda ti pagsabihun ni Isikyas: Inda ti udas kakurian, pagtadlung ag kakay-ahan. Parihu kita sa usa ka babayi arani yi manganak unman may kusug hampay ilusad kay lapsag.

Isayas 46:10

Sa umpisa di waya, sinabi yi niku ti manga mangyari sa aratubangun. Kang manga ibinurayhaw pihu gid matupad, buwatun niku ti tanan niku gustu buwatun.

Isayas 48:3

Magkun siya sa kanyu, “Itinagka yi niku sa kabag-u di waya nu hintay ti manga mangyari sa aratubangun. Tunda kang pag isabuwat.

Isayas 48:5

Nakan ngani pagsabihun yi niku daan sa kanyu kang buwatun. Udwaya inda magpangyari ipinaalam yi niku sa kanyu hampay balaw kamu sumabi kanyu manga diyus-diyusan buwat sa kayu hanggan baul imaw ti nagtagka ag nagbuwat inda.

Isayas 7:16

Dapat bag-u siya dumunung magkilala sa mayad ag sa daut, ti rugar duwa ka hari kanmu pagkadalaan, Akas, pihu gid madaut ag pabay-anan yi lang.

Husyas 5:12

Parihu aku sa iyay mag-arit-it sa Israil hanggan sa Huda.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Husyas 7:12

Sa kanda mag-atag sa tunda pag manga rugar, amparahun niku sida parihu sa manuk lambatun ag butungun tag sirung. Parusahan niku sida angay sa kang sinabi sa kanda magtiripun.

Husyas 8:8

Ti Israil ga kinaun iba nasyun. Taynguna magpaamut yi siya sa kanda, parihu siya sa gamit unman may pakinabang.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Amus 3:7

Sa tutuu, unman magbuwat ti Panginuun Diyus una hintay nu unman niya inda ipinasandam sa kay manga manugsirbi pag manga purupita.

Amus 7:9

Wasakun niku ti manga simbahan sa abwat pag manga rugar pagsambahan manga taga Israil linahi ni Isaak. Ipagira niku sa manga kalaban ti Israil, ti kaharian ni Hari Hirubuam.”

Mikas 6:13

Nakan inumpisahan niku rurisun kamu bilang parusa sa kanyu manga kasalanan.

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”

Huwan 16:4

Nakan kang yi itinultul hampay nu udas yi mangyari yi tunda aban, alalahanun di niyu inda yi ngani kang itinultul.” Magkun si Hisus, “Inda pag manga bagay unman itinultul niku sa kanyu ginan sa kabag-u, dahil aku atay waya waydi sa kanyu.