Husyas 5:8 - Hanunuu

⁸ “Patunuga ti manga budyung hanggan manga turumpita sa pagpasandam sa manga tawu sa Gibiya hanggan sa Rama! Padnugan ti ringgit kaguluhan sa Bit Abin! Nasakupan Binhamin, pagbantay kamu!

Husyas 5:8 Iomraidhean Croise

2 Samwil 21:6

Nakan pakan-an nimu sa kanmi ti pitu ka lalaki ginan sa kay linahi, dahil matyun nimi sida ag pabay-anan kanda bangkay sa may arani pagsambahan sa Panginuun pag rugar ati sa Gibiya, kay banwa tunda ni Saul ti pinili Panginuun pag hari.” Magkun ti hari, “Hu, ipakaun niku sida sa kanyu.”

1 Hari 12:29

Ti usa ka gintu baka, ipinauli niya sa Bitil ag kay usa sa Dan.

Isayas 10:29

Linmakaw sida sa diripayan, bag-u ati pag naturug sa Giba. Nadala ti manga taga Rama, ag nalagiw ti manga nasakupan Gibiya imaw ti banwa ni Hari Saul.

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.

Husyas 10:5

“Madala ti manga nasakupan Samarya dahil madura ti manga diyus-diyusan dumaraga baka sa Bit Abin. Sida hanggan kanda manga manughandug magbaya sa marinu nida pag manga diyus-diyusan manrukuan gid dahil bul-un tunda sa kanda

Husyas 4:15

“Manga taga Israil, una binugyahan niyu aku ga babayi magpanguragin, danga niyu pagdalahiga ti manga taga Huda. “Ag kamu pag manga taga Huda, danga kamu mag-atag sa Gilgal hanggan sa Bit Abin hampay mansamba sa kangku ngatay mamuwat taratu sa ngaran niku.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Husyas 9:9

Masyadu yi gid kamu daut, parihu sa kaybi pag manga lalaki sa Gibiya. Alalahanun Diyus kanyu kadautan; parusahan niya kamu dahil sa kanyu manga kasalanan.”

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:15

“Uypun niyu ti budyung sa Siun hampay ipasandam sa manga tawu kuntay pagtipun sida ag danga maghandum karan-unun.

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Huswi 7:2

Ati ginan sa Hiriku nagsugu si Huswi manga tawu mantiid ati sa Hay, usa ka banwa sa butlakan Bitil arani sa Bit Abin. Nakan nanlakaw ti manga tawu hampay mantiid.

Talaghusay 5:14

Ti iba sa kanda ginan sa Ipraim — ti daga magkaapu kaybi manga Amalikita — ag iba waya gid ginan sa lahi ni Binhamin. Kinmuyug diman sa paglaban ti manga kumandir sundalu ni Makir hanggan ti lahi ni Sabulun.

1 Samwil 15:34

Pagkatapus, nagbalik si Samwil sa Rama, ag si Saul nuli sa Gibiya.

1 Samwil 7:17

Dapat binmalik di siya sa Rama nu naan siya pag mag-uli ag nagpangulu diman siya ati sa manga tawu. Nagbuwat siya ati sa Rama usa ka surunugan manga handug sa Panginuun.

1 Samwil 8:4

Nakan nagtiripun ti tanan manugpamahala Israil, bag-u nag-ati sa kan Samwil sa Rama.