Husyas 5:4 - Hanunuu

⁴ “Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Husyas 5:4 Iomraidhean Croise

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Kanta 9:10

Magsarig sa kanmu ti magkilala sa kanmu pag manga tawu. Dahil balaw nimu pagbugyahan ti manga magdangup sa kanmu.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 50:38

Mak-at ti tanan pagbul-an niya danum! Dahil ti Babilunya rugar napnu pagkayamu pag diyus-diyusan, manga diyus-diyusan magpatalang sa manga tawu.

Hirimyas 9:24

Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Husyas 13:13

“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 4:11

agud sambahun ti manga diyus-diyusan. “Manga nasakupan niku, ti bag-u ag ti daan pag intus magdaut kanyu mayad pag pan-unawa.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 8:11

Tutuu nagbuwat sida mayamu pag manga harandugan para sa manga handug panlumpiyu, dapat siyun diman sida pag rugar pag nagbuwat kadautan.

Huwan 16:3

Nakan katida kanda buwatun sa kanyu dahil unman nakilala nida una ti Ama una aku.

Huwan 8:55

Unman nakilala duy niyu siya, dapat kilala ngap niku siya. Nu abi sabihun niku unman kilala niku siya, aku parihu ga kanyu pudilun. Dapat kilala gid niku siya, ag pagtupadun niku kay bagaw.

1 Samwil 2:12

Kan Ili duwa ka anak lalaki daut kay manga ugali. Unman gid sida magsunud sa Panginuun.