Husyas 5:1 - Hanunuu

¹ Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 5:1 Iomraidhean Croise

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 13:18

Sinugu aku Panginuun kuntay sabihun sa hari hanggan sa kay ina rayna pagdugsun sida gin sa kanda tukawan hari dahil arani yi bul-un sa kanda ulu ti marinu nida pag kuruna.

Hirimyas 46:18

“Aku, ti buhi pag Hari, ti Panginuun Makamaskihan, pag-isumpa niku may imaw gumira sa Ihiptu subra man sa kanya, parihu sa Bantud Tabur sa karaw-an manga kabantudan ngatay sa Bantud Karmilu sa saruy dagat.

Husyas 10:15

Katunda diman ti mangyari sa kanyu manga taga Bitil dahil masyadu kanyu kadautan. Sa paghanag-hanag sa surip, pihu gid mamatay ti hari Israil.”

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Husyas 9:8

Bilang purupita, pag-ibahan aku niku Diyus sa paggiya sa kanyu manga taga Israil. Dapat una naan tag aku gustu niyu aku ipadamhak; parihu aku sa manuk kanyu pagkaibgan sudkun. Magkagalit sa kangku ti manga tawu sa Israil, ti pagkilalan-un Diyus kay ulian.

Huwil 1:2

Kamu pag manga paggurangunun sa Huda hanggan sa tanan niyu nasakupan, patingihi niyu kang sabihun sa kanyu. Unman waya may nangyari parihu sa inda katpung kaudasan niyu manga ginurang una sa kaudasan niyu taynguna.

Amus 3:1

“Kamu pag manga taga Israil, kanyu manga ginurang ipinalwas Panginuun sa Ihiptu, patingihi niyu inda kay pagsabihun laban sa kanyu:

Amus 7:9

Wasakun niku ti manga simbahan sa abwat pag manga rugar pagsambahan manga taga Israil linahi ni Isaak. Ipagira niku sa manga kalaban ti Israil, ti kaharian ni Hari Hirubuam.”

Mikas 3:1

Magkun si Mikas, “Pagpatingi kamu manga takinan Israil ag Huda! Balaw aw kamu ti dapat magpatupad katadlungan?

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Malakyas 2:1

Magkun waya ti Panginuun Makamaskihan sa manga manughandug, “Imaw inda kang pasandam sa kanyu: Nu balaw niyu patingihan ti pagsabihun niku, ag balaw niyu pahalgahan ti pagdayaw sa kangku, saadan niku kamu hanggan ti manga papalad kanyu pagtanggapun bilang manga manughandug. Sa tutuu lang, binwat yi niku inda dahil unman niyu pagpahalagahan ti pagdayaw sa kangku.

Talaghusay 4:12

Taynguna, sinabihan si Sisara kuntay nag-atag sa Bantud Tabur si Barak.

Talaghusay 4:6

Sa usa ka sirang, ipinatawag ni Dibura si Barak anak ni Abinuam taga Kadis sakup lahi ni Niptali. Pagras-ug ni Barak, magkun si Dibura sa kanya, “Ti Panginuun, ti Diyus Israil, magsugu sa kanmu pagbuul kawu 10,000 lalaki sa manga lahi ni Niptali ag ni Sabulun ag daran-a sida sa Bantud Tabur.

1 Samwil 7:16

Timpu-timpu magpalibut siya sa manga rugar ginan sa Bitil atabug sa Gilgal ag Mispa hampay tupadun niya kay buruwatun bilang pangulu sa inda pag manga rugar.

1 Samwil 7:5

Sinabi ni Samwil sa manga Israilita, “Tipuna niyu ti buu nasyun Israil ati sa Mispa, hampay kang idarangin kamu sa Panginuun.”

1 Samwil 7:6

Pagka sida nagtipun yi ngani sa Mispa, nanaas sida danum bag-u kanda ibinuhus sa atubangan Panginuun. Balaw sida naghandum karan-unun ati katpung pag sirang, inaku nida kanda kasalanan magkun, “Kami nagkasala laban sa Panginuun.” Pinanguluhan ni Samwil ti manga Israilita ati sa Mispa.