Husyas 4:7 - Hanunuu

⁷ Mintaras magyamu kamu pag manga manughandug, magyamu diman waydi kanyu kasalanan sa kangku. Nakan buwatun niku makakaray-a kanyu pag-ipadayaw.

Husyas 4:7 Iomraidhean Croise

Isra 9:7

Ginan waya duy sa kaudasan nimi manga ginurang tugka taynguna, masyadu gid kanmi kasalanan; ag dahil siyun, kami ag kanmi manga hari hanggan manga manughandug pirmi pagsakupun manga hari iba manga nasyun. Pinanmatay nida ti iba sa kanmi, ag ti iba binihag, tinakawan ag pinakay-a, parihu sa nangyari sa kanmi taynguna.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Husyas 10:6

bag-u darahun sa Asirya bilang pamakaun sa makapangyarihan pag hari. Mangay-a ti Israil sa kanda magsarig sa manga diyus-diyusan.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 4:10

Tutuu ngani magkaun kamu, dapat unman kamu magkabsug. Magsamba kamu sa manga diyus-diyusan imaw kanyu pagpaniwalaan makapakaun anak, dapat unman kamu magkaanak dahil binugyahan niyu aku, ti Panginuun,

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Husyas 9:11

Manga taga Israil, kanyu kadayawan madura ga manuk lumayang. Unman yi mamuduy ag magkaanak kanyu manga kababayihan.

Habakuk 2:16

Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.

Malakyas 2:9

Nakan pinahintulutan niku puyaan kamu ag pakay-ahun tanan tawu dahil unman niyu sinunud kang manga palakaw ag may pagkilingan waya kamu sa kanyu manga magtudlu.”

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.