Husyas 4:6 - Hanunuu

⁶ “Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 4:6 Iomraidhean Croise

2 Krunika 15:3

Sa kadugayun pag panahun nangabuhi ti manga taga Israil unman may tutuu pag Diyus, unman may manga manughandug magtudlu sa kanda, ag unman may kasuguan.

Hub 36:12

Dapat nu unman sida sumunud, mamatay sida sa gira kurang sa intindi.

Kanta 119:139

Masyadu gid kang pangagalit dahil pagbugyahan niku manga kalaban kanmu manga bagaw.

Kanta 119:153

Bantayi nimu kang mag-agwanta ag ribrihan aku, dahil unman niku kinalimtan kanmu kasuguan.

Kanta 119:61

Una waya paggapusun aku manga daut, balaw gid niku pagkalimtan kanmu kasuguan.

Kanta 18:27

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kabagawan 10:21

Ti bagaw matadlung pag tawu mayamu ti makakinabang, dapat ti kurang kay intindi magkaramatay dahil unman may pan-intindi.

Kabagawan 19:2

Una waya kawu masigasid nu unman may alam, unman diman tunda may kabuluhan. Nu daldaliun waydi kawu madali magsalan.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Isayas 29:12

Nu ipabasa nimu sa balaw madunung magbasa, sabihun niya, “Unman aku madunung magbasa.”

Isayas 3:12

Magkun ti Panginuun, “Pag-ihidun manga kalay-awan kang manga nasakupan. Manga babayi ti magdumara. “Manga nasakupan niku, pagdayaun kamu niyu manga takinan. Pag-abatun nida kamu sa salan pag dalan.”

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Isayas 5:13

Nakan kamu pag manga nasakupan niku bihagun dahil unman niyu magkasalman kang pagbuwatun. Kamu hanggan kanyu manga takinan magkaramatay sa lun-us ag uwaw.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Isikil 44:23

Kailangan tudluan nida kang nasakupan nu unu ti banal ag ti balaw banal, nu unu ti malumpiyu ag ti mauring.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Husyas 6:6

Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 7:9

Pagbul-un taga iba nasyun kanda kabisugan, dapat unman nida magkapansin. Parihu sida sa gurangun ubanin yi kay buhuk dapat unman niya magkapansin.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Husyas 8:12

Ipinasurat niku ti mayamu pag manga kasuguan para sa kanda, dapat binaliw nida tunda para sa iba balaw para sa kanda.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Husyas 9:17

Magkun si Husyas, “Bugyahan niku Diyus ti manga taga Israil dahil unman sida magsunud sa kanya. Nakan mawatak sida sa tuhay-tuhay pag nasyun.”

Matiyu 1:6

Kay anak ni Isai si Hari Dabid. Kay anak ni Hari Dabid si Sulumun sa kay asawa ni Uryas.

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 15:8

Inda pag nasyun tugka lang sa bagaw kanda maggalang sa kangku, kanda tagipusuun arayu di sa kangku.

1 Samwil 2:12

Kan Ili duwa ka anak lalaki daut kay manga ugali. Unman gid sida magsunud sa Panginuun.