Husyas 4:3 - Hanunuu

³ Dahil siyun, magkaramara kanyu daga hanggan ti tanan mag-uli siyun magkaramatay, hanggan ti tanan hayup — ti maglakaw, ti maglayang, ag ti maglanguy.

Husyas 4:3 Iomraidhean Croise

Isayas 33:9

Kaawaawa ti daga Israil. Magkarubay ti manga kayu sa Libanun, ag magkay-a. Nagbaliw pangawakawaan ti karatagan Sarun. Magkararagdag ti manga labung manga puun kayu sa Basan hanggan sa Karmilu.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Hirimyas 4:25

Nakitan diman niku unman may tawu, ag maglayang ti manga manuk tag sa arayu.

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:9

Unman aw kailangan niku sida parusahan? Unman aw kailangan yi niku balusan ti kainda pag nasyun? Aku, ti Panginuun, ti magsabi inda.”

Isikil 38:20

Mangirkirug sa kang kadayawan ti tanan tawu sa kalibutan hanggan ti tanan pag kalasi hayup: ti maglakaw, ti maglayang, ti magyapang, ag ti maglanguy. Magkaragulhung ti manga bantud hanggan ti manga tagudtud, bag-u magkararup-ag ti manga alad batu.

Huwil 1:18

Mag-iringaan ti manga hayup dahil sa kalun-usan. Naglinakaw ti manga baka maghanap manga hararabun, hanggan ti manga karanidu magkakuri diman.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Amus 5:16

Nakan inda ti pagsabihun Panginuun Diyus Makamaskihan: “Rumas-ug ti kaudasan masaydan ti manga lulumian hanggan aramirawan sa kanyu manga baklayan ag manga buruybuyahan. Ti manga manugtanman tawagan hampay manlumi sa manga namatay kaibahan manga tawu inupahan hampay manlumi.

Amus 8:8

Dahil siyun, palinugun niku kanyu daga ag manlulumian kamu. Matandug gid masyadu kanyu daga, parihu sa pag-awas ag paghubas Sapa Nilu sa Ihiptu.

Nahum 1:4

Sa kay lang bagaw magkak-at ti manga dagat una ti manga sapa, ag magkarubay ti manga pananum sa Basan, hanggan sa Bantud Karmilu ag sa Libanun.

Sipanyas 1:3

ti manga tawu, hayup, manuk, ag isda. Madura ti tanan magpaturun sa tawu hampay magkasala hanggan ti manga makasalanan. Papasun gid niku ti tanan tawu sa kalibutan. Aku, ti Panginuun, ti magsabi inda.

Sakaryas 5:4

Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”