Husyas 4:2 - Hanunuu

² Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 4:2 Iomraidhean Croise

Gimpuunan 4:8

Pagka sa usa ka sirang, tinaban ni Kain kay ari si Abil atag sa kapadangan. Pagka ati yi sida, minatay ni Kain kay ari si Abil.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Hirimyas 6:7

Parihu sa bulbugan parargu kay magbulus danum, parargu diman kay magbuwat kadautan. Pirmi magkabaritaan sa inda pag banwa ti kadautan hanggan ti magpanrangga. Pirmi niku mag-akitan ti manga panakitun hanggan manga biyag nida.

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Isikil 7:23

“Bihagun kang nasakupan dahil pirmi lang may magmaratyan ag kahigpitan sa kanda banwa.

Husyas 10:13

“Dapat nagtanum kamu kadautan, nakan umani diman kamu kadautan. Nagpudil kamu, ag tunda ti burak niyu kadautan. Dahil sa magsarig kamu sa kanyu sadili kabisugan, parihu sa kanyu mayamu sundalu,

Husyas 10:4

Sigi lang sida sa bagaw dapat unman diman sa buwat. Magsumpa sida pudil ag magbuwat kasunduan unman diman pagtupadun. Nakan ngani ti katadlungan nagbaliw ga ilamnun makahilu magtubu sa inaradu pag daga.

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 12:14

Dapat ginalit gid niyu aku kanyu Panginuun dahil sa kanyu pagmatay, nakan parusahan niku kamu. Balusan niku kamu sa kanyu paglabag sa kangku.”

Husyas 5:2

Maglaban kamu sa kangku ag maggayak gid manmatay, nakan parig-anan niku kamu tanan.

Husyas 6:8

Ti banwa Gilyad ulian daut pag manga tawu hanggan manga manmamatay.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Husyas 7:1

Gustu mana niku paayadun ti manga taga Israil. Dapat kadautan ti mag-akitan niku sa kanda. Magdaya sida, magsaka sa manga balay ag magtakaw, hanggan magtulis sa manga dalan.

Husyas 7:3

Napasulung nida kanda hari hanggan manga takinan sa panab-anan nida kadautan ag kapudilan.

Husyas 7:4

Tanan sida marapudil; parihu sa mainit pag hurnu balaw yi kailangan paigangun manugbuwat tinapay ginan sa udas maghaug tugka sa humabuk.

Mikas 3:2

Dapat dayu kamu sa mayad ag gustu niyu ti daut. Pag-unuunuhun niyu kang manga kasimanwa; bilang ga paghilapun niyu sida ag pagbul-an nayi kanda manga but-ul, pagkatapus pagtuktukun kanda manga but-ul ag paggurutun ti manga nayi ag pagtamaun bag-u pagkan-un.

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Mikas 6:10

Daut kamu pag nasakupan! Unman niku magkalimtan ti manga tinipun niyu pag kayamanan sa daut pag paraan. Maggamit kamu madaya pag salupan. Inda pag buruwatun kang pagkadat-an.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Sipanyas 3:1

Magkun si Sipanyas, “Kaawaawa ti Hirusalim! Ti manga nasakupan niya manuglaban sa Diyus ag magbuwat mayagting pag manga bagay. Kay manga takinan maihid-ihid.

Sakaryas 5:3

Magkun ti anghil sa kangku, “Nakasurat sa tunda pag kasuratan ti saad rumas-ug sa buu daga Israil. Pagsabihun sa usa ka bahagi kasuratan ti tanan manugtakaw duraun sa Israil, ag sa baliw bahagi waydi kasuratan pagsabihun ti kada usa manumpa may kapudilan duraun diman.

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Matiyu 23:35

Nakan ngani mitama gid sa kanyu ti kaparusahan sa nagmatay sa manga matadlung pag manga tawu sa bilug kalibutan ginan waya sa nanmatay sa kan Abil hanggan sa nanmatay sa kan Sakaryas ti anak ni Barakyas, kanyu minatay sa tab-anan Balay Diyus ag surunugan hayup handug sa Diyus.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Diyuturunumiyu 5:11

“ ‘Danga niyu gamitun kang ngaran sa unman may pulus, dahil aku, ti Panginuun niyu Diyus, ti pumarusa una sa kantapu ti gumamit sa ngaran niku sa unman may pulus.

Diyuturunumiyu 5:18

“ ‘Danga kamu magpanguragin.

Diyuturunumiyu 5:19

“ ‘Danga kamu magtakaw.

1 Tisalunika 2:15

Tunda pag manga Hudiyu ti nagmatay sa Panginuun Hisus hanggan sa manga purupita. Sida diman waydi ti nag-unuunu sa kanmi. Maglaban sida sa kagustuhan Diyus, kalaban sida tanan tawu.

Ipinakakit 17:6

Nakitan niku ti babayi ga nalangu sa dugu manga tawu napasakup sa Diyus ag sa dugu manga minatay dahil sa kanda pagsarig sa kan Hisus. Pagka nakitan niku siya, naglingut aku masyadu.