Husyas 4:16 - Hanunuu

¹⁶ Maganit kay ulu ti manga taga Israil, parihu sa dumaraga baka. Nakan kabitay niku sida maalagaan parihu sa manga karanidu sa karatagan?

Husyas 4:16 Iomraidhean Croise

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Isayas 22:18

Linginun niya kawu ga bula ag iyamut sa maluang pag daga. Ati kawu pag mamatay ag ati diman pagmawayak kanmu pag ipadayaw pag manga kalisa. Nakapakaun kawu kakay-ahan sa magtal-anakan nimu amu.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 5:17

Ti nawayak pag banwa imaw ti pag-ulian manga mayaman, binuwat lang pasturan manga karanidu.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 3:11

Bag-u magkun sa kangku ti Panginuun, “Una balaw matinupadun sa kangku ti Israil mas mayad waya siya kaysa maradaya pag Huda.

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Hirimyas 3:8

Tinayakan niku ti Israil ag tinulak dahil sa magpanguragin, sa panab-anan pagsamba sa manga diyus-diyusan. Dapat madi katida, nakitan niku ti maradaya pag patar-ari ti Huda balaw ngap nadala. Nanguragin diman siya

Hirimyas 31:18

Nadnugan niku ti hirinangbitun manga taga Ipraim. Magkun sida, “Panginuun kami duy ga manga ibun baka udwaya anad sa singkaw, dapat tinudluan duy nimu kami magsunud sa kanmu. Kawu ti Panginuun nimi Diyus, nakan ibalik yi nimu duy kami sa sadili nimi daga.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Husyas 10:11

Kaybi masalibagunan lang kamu; parihu kamu sa dumaraga baka naantigu maggiuk ag tunda kay pagkaibgan pag tarabahu. Dapat taynguna pakurianan niku kamu pag manga taga Israil hanggan taga Huda; bumaliw kamu ga dumaraga baka takudan singkaw ti marinu pag liug niya ag pakurianan sa mag-aradu.

Husyas 11:6

Girahun manga kalaban kanda manga banwa ag dautun ti talakup manga sabian. Dautun diman manga kalaban kanda manga gayak.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

1 Samwil 15:11

“Magsisi gid aku binwat niku hari si Saul, dahil nagpatlikud siya sa kangku ag balaw nagsunud sa kang sugu.” Pagka nasaydan inda ni Samwil, nangisug gid siya, ag nandarangin siya buu yabi sa Panginuun.