Husyas 4:15 - Hanunuu

¹⁵ “Manga taga Israil, una binugyahan niyu aku ga babayi magpanguragin, danga niyu pagdalahiga ti manga taga Huda. “Ag kamu pag manga taga Huda, danga kamu mag-atag sa Gilgal hanggan sa Bit Abin hampay mansamba sa kangku ngatay mamuwat taratu sa ngaran niku.

Husyas 4:15 Iomraidhean Croise

2 Krunika 17:4

bagkus nagdangup siya sa Diyus niya ama, ag sinmunud sa kay kasuguan kaysa sumunud sa ugali manga taga Israil.

2 Krunika 21:11

Nagpatindug siya manga simbahan sa manga kabantudan Huda imaw kay dahilan pagsamba manga taga Hirusalim ag taga Huda sa manga diyus-diyusan.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Hirimyas 44:26

Dapat pagpatingi kamu sa kang sabihun, kamu pag manga taga Huda mag-uli sa Ihiptu. Pag-isumpa niku sa kang sadili taynguna ginan udyi may bumanggit sa kanyu sa kang ngaran makamaskihan. Balaw yi niku pahintulutan gamitun niyu kang ngaran sa kanyu magsumpa parihu sa kainda, “Magsumpa aku sa ngaran buhi pag Panginuun Diyus.”

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Isikil 20:39

Magkun waya gid ti Panginuun Diyus sa nasakupan Israil, “Sigi, parargu kamu sa pagsirbi sa kanyu manga diyus-diyusan nu balaw kamu magkaibug sumunud sa kangku. Dapat rumas-ug ti udas balaw yi gid niyu pakay-ahun kang ngaran sa panab-anan pagsagda sa kanyu manga diyus-diyusan.

Husyas 10:5

“Madala ti manga nasakupan Samarya dahil madura ti manga diyus-diyusan dumaraga baka sa Bit Abin. Sida hanggan kanda manga manughandug magbaya sa marinu nida pag manga diyus-diyusan manrukuan gid dahil bul-un tunda sa kanda

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 12:11

Dapat parargu diman gid ti manga taga Gilyad sa kanda manga buruwatun daut unman gid may pulus, bag-u ti nasakupan Gilgal maghandug manga tudu baka sa manga diyus-diyusan. Pihu gid dautun kanda manga harandugan ag bumaliw inda parihu sa manga tinumpuk batu bin-ul sa inaradu pag daga.

Husyas 12:12

“Naglayas si Hakub atabug sa Aram, nagsirbi siya ati bilang manug-alaga manga hayup para mapasa-kanya kay arasawan-un.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Husyas 5:8

“Patunuga ti manga budyung hanggan manga turumpita sa pagpasandam sa manga tawu sa Gibiya hanggan sa Rama! Padnugan ti ringgit kaguluhan sa Bit Abin! Nasakupan Binhamin, pagbantay kamu!

Husyas 9:15

Magkun ti Panginuun, “Ti tanan kadautan niku nasakupan nag-umpisa sa Gilgal. Ati di waya kinagalitan yi niku sida. Ag dahil sa kanda kadautan, palayasun niku sida sa Israil kang pagbaliwun ulian. Balaw yi niku sida mahalun; ti tanan nida manga takinan naglaban sa kangku.

Amus 4:4

“Kamu pag manga Israilita, pag-ati kamu sa pagsambahan niyu sa Bitil hanggan sa Gilgal bag-u dugangi waya gid kanyu kasalanan. Pagdara kamu kanyu manga handug kada surip ag pagdara kamu kanyu ikasampulu kada ikatlu pag sirang.

Amus 5:5

Danga yi kamu mag-atag sa Bitil, sa Gilgal, ngatay sa Biirsiba hampay mansamba ati. Dahil pihu gid bihagun ti nasakupan Gilgal ag madura ti Bitil.

Amus 6:10

Ti namatay bul-un niya katawuhan kay bangkay hampay sunugun. Bag-u paingan-un niya ti mataguan sa sulud balay, “May kaibahan aw waya kawu asan?” Nu sumagut siya, “Unman” sumabi ti tawu nagpaingana, “Danga mag-ingay! Barang masampit waya nimu ti ngaran Panginuun ag maparusahan kita.”

Amus 8:14

Kamu pag manga magsumpa sa ngaran manga diyus-diyusan Samarya, Dan hanggan Biirsiba, rurisun kamu ag balaw yi kamu makabangun.”

Ipisu 5:11

Danga kamu magpasalbug sa manga tawu magbuwat sa balaw ikamayad, sa manga ugali sakup sa kadudulman. Bagkus ngap ipaburayhaw niyu ti daut nida manga buwat.

Huswi 5:9

Bag-u magkun ti Panginuun sa kan Huswi, “Kainda bin-ul niku sa kanyu ti kakay-ahan bilang panawuhun sa Ihiptu.” Nakan ati pag rugar pag-ingarnan Gilgal kainda tugka.

Huswi 7:2

Ati ginan sa Hiriku nagsugu si Huswi manga tawu mantiid ati sa Hay, usa ka banwa sa butlakan Bitil arani sa Bit Abin. Nakan nanlakaw ti manga tawu hampay mantiid.