Husyas 4:14 - Hanunuu

¹⁴ Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 4:14 Iomraidhean Croise

1 Hari 15:12

Pinalayas niya sa Huda ti manga lalaki hanggan ti manga babayi baraydan sa rugar nida pagsambahan, ag ipinadaut niya ti tanan diyus-diyusan ipinabwat niya manga ginurang.

2 Hari 23:7

Ipinadaut diman niya ti manga balay manga lalaki ag babayi magpabili kanda bilug, ati sa Balay Diyus Panginuun. Siti magtahi ti manga babayi manga rutay paggamitun sa magsamba sa kan Asira.

Kabagawan 28:5

Ti daut pag manga tawu unman makaintindi sa katadlungan, dapat ti manga magdangup sa Panginuun nakaintindi gid inda mayad.

Isayas 1:5

Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Danyil 12:10

Mayamu ti manga magkilala sa katutuuhanan ti lumpiyuhun kanda buhi, ag makaintindi sida sa manga pagsabihun niku pag bagay. Dapat ti manga daut pagparargu sa pagbuwat kadautan, ag unman sida makaintindi sa manga pagsabihun niku pag bagay.

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 4:17

Nalagum yi sida sa manga diyus-diyusan. Pabay-ani yi lang sida!

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Bilang 25:3

Nakan ti manga Israilita nadara nansamba sa kan Baal Piyur. Nakan masyadu gid nagalit ti Panginuun sa kanda.

Huwan 8:43

Nakan unman magkasalman niyu kang pagsabihun sa kanyu, dahil unman kamu madunung magtanggap sa kang pag-itudlu sa kanyu.

Ruma 3:11

Unman may nakaintindi, ud may maghanap sa Diyus.

1 Kurintu 6:16

Unman aw lugud niyu alam nu magpaamut ti tawu sa uragin, bilang ga usa yi lang sida ka bilug. Dahil magkun ti Diyus, “Ti duwa kabilug usa lang ka nayi.”

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

Diyuturunumiyu 23:17

“Kailangan unman may Israilita, lalaki man ngatay babayi, ti magpabili kay sadili bilang pagsamba sa manga diyus-diyusan sa balay diyus nida.

Hibriyu 12:8

Nu bay kamu unman pagparig-anan Diyus, kay ibug sabihun balaw kamu tutuu manga anak niya, tuhay di kanyu ama, dahil basta anak niya kay pagparig-anan.